فوتو:depositphotos.com
16 قىركٷيەكتە قازاقستان جالپىعا بٸردەي دەكلاراتسييالاۋدىڭ ٷشٸنشٸ كەزەڭٸ اياسىندا دەكلاراتسييالاردى قابىلداۋدى اياقتادى. قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ ەسەپتٸ ۋاقىتىلى تاپسىرا الماعانداردى نە كٷتٸپ تۇرعانىن ايتتى, - دەپ حابارلايدى «ۇلت اقپارات» Tengrinews.kz-كە سٸلتەمە جاساپ.
2024 جىلعى 1 قاڭتاردا جالپىعا بٸردەي دەكلاراتسييالاۋدىڭ ٷشٸنشٸ كەزەڭٸ شەڭبەرٸندە زاڭدى تۇلعالاردىڭ باسشىلارى, قۇرىلتايشىلارى (قاتىسۋشىلارى) جەنە جەكە كەسٸپكەرلەر, سونداي-اق ولاردىڭ جۇبايلارى بولىپ تابىلاتىن ەكٸ ميلليوننان اسا جەكە تۇلعالار اكتيۆتەرٸ مەن مٸندەتتەمەلەرٸ تۋرالى دەكلاراتسييانى (250.00-نىسان) ۇسىنعانى حابارلاندى. دەكلاراتسييانى تاپسىرۋ مەرزٸمٸ 16 قىركٷيەكتە اياقتالدى.
دەكلاراتسييانى ۇسىنباعان سالىق تٶلەۋشٸلەرگە سالىق زاڭناماسىندا بەلگٸلەنگەن مەرزٸمدە سالىق ەسەپتٸلٸگٸن ۇسىنباۋ تۋرالى حابارلامالار جٸبەرٸلدٸ. مۇنداي سالىق تٶلەۋشٸلەر حابارلامانى العان سەتتەن باستاپ 30 جۇمىس كٷنٸ ٸشٸندە دەكلاراتسييا نەمەسە تٷسٸنٸكتەمە بەرۋ ارقىلى زاڭبۇزۋشىلىقتى جويۋى تيٸس.
"دەكلاراتسييانى ۇسىنباعان سالىق تٶلەۋشٸلەرگە بانكتٸك شوتتار بويىنشا شىعىس وپەراتسييالارىن توقتاتا تۇرۋ جٶنٸندەگٸ شارالار قولدانىلادى (سالىق كودەكسٸنٸڭ 118-بابى 1-تارماقشاسى)", - دەپ حابارلادى مكك.
