Jalpyǵa birdei deklaratsiialaýdyń birinshi kezeńinde deklaratsiia tapsyrǵan azamattar 2022 jyldan bastap, jyl saiyn 270.00 nysandy kirister men múlik týraly deklaratsiiany usynýy tiis. Bul týraly QazAqparat Memlekettik kirister komitetine silteme jasap habarlaidy.
Aktivter men mindettemeler týraly deklaratsiiany tapsyrý merzimi (250.00 nysan), iaǵni jalpyǵa birdei deklaratsiialaýdyń birinshi kezeńi 2021 jyldyń 15 qyrkúieginde aiaqtaldy.
Aita ketsek, birinshi kezeńde, 2021 jyldyń 1 qańtarynan bastap, aktivteri men mindettemeleri týraly deklaratsiiany memlekettik qyzmetshiler men olarǵa teńestirilgen tulǵalar ( kvazimemlekettik kompaniialardyń basshylary, memlekettik mekemelerdiń basshylary, Parlament jáne máslihat depýtattary, barlyq deńgeidegi ákimder jáne t.b. ), baǵaly qaǵazdardyń iri iegerleri, bankterdiń iri qatysýshylary, saqtandyrý uiymdarynyń iri qatysýshylary, sondai-aq osy atalǵandardyń jubailary (zaiyptary) usynǵan bolatyn.
«2021 jyly aktivteri men mindettemeleri týraly deklaratsiia (250.00 nysan) tapsyrǵan jeke tulǵalar keiinnen 2022 jyldan bastap, jyl saiyn kirister men múlik týraly deklaratsiiany (270.00 nysan) tapsyrýy tiis, onda jeke tulǵalar kúntizbelik jyl ishinde, onyń ishinde Qazaqstan Respýblikasynan tys jerlerde salyq shegerimderi boiynsha alynǵan kirister týraly neǵurlym tolyq aqparatty, satyp alý jáne (nemese) ielikten shyǵarý jáne (nemese) múlikti tegin alý týraly, Qazaqstan Respýblikasynyń sheginen tys ornalasqan sheteldik bankterdegi bank shottaryndaǵy aqsha týraly jáne basqa da málimetterdi kórsetedi», - dep habarlady MKK-de.
Salyq zańnamasyna sáikes kirister men múlik týraly deklaratsiiany birinshi kezeńde tabys etetin jeke tulǵalar úshin qaǵaz jetkizgishte deklaratsiiany tabys etý merzimi tabys etý jónindegi mindetteme týyndaǵan jyldyń 15 shildesinen keshiktirmei, al elektrondy túrde deklaratsiiany tabys etý jónindegi mindetteme týyndaǵan jyldyń 15 qyrkúieginen keshiktirilmeitin merzimdi quraidy.
Buiryq 2022 jyldyń 1 qańtarynan bastap kúshine enedi.
