Kómir tiegen 9 vagonnyń relsten shyǵyp ketýine bailanysty qalpyna keltirý jumysy júrip jatyr, dep habarlaidy QazAqparat.
Indýstriia jáne infraqurylymdyq damý ministrliginiń málimetinshe, bul oqiǵa búgin, iaǵni 28 aqpan saǵat 05.30 shamasynda Shyǵys Qazaqstan oblysy Kýrchatov qalasynyń Degeleń stansasynda bolǵan.
Eki manevrlik teplovozdy qosqan kezde «Qarajyra-Degeleń» baǵytyndaǵy 3503 júk poiyzynyń kómir tielgen 9 vagonynyń dońǵalaqtary relsten shyǵyp, 4 vagon bir jaǵyna aýyp ketken.
Qaza tapqandar men zardap shekkender joq.
Bul jaǵdai basqa poiyzdardyń qozǵalysyna áser etken joq.
Qazirgi ýaqytta qalpyna keltirý jumysy júrgizilip jatyr.
