Dúniejúzilik densaýlyq saqtaý uiymy taiaý jyldary týberkýlezden bolatyn ólim-jitimniń kúrt ósýi múmkin ekendigin eskertti, dep habarlaidy Ál-Jazira agenttigi.
Buǵan koronavirýs pandemiiasynan týyndaǵan daǵdarystar men qarajattyń jetispeýshiligi sebep bolýy múmkin.
DDU 2020 jyldyń birinshi jartysynda týberkýlezdiń jańa jaǵdailary týraly esep berý men baqylaýdyń edáýir tómendegenin aitty, óitkeni elder COVID-19 taralýyn boldyrmaýǵa shekteýler engizgen bolatyn.
Esepte álemdegi týberkýlez aýrýy eń joǵary elderdiń qataryna kiretin Úndistan, Indoneziia jáne Filippin elderi 2020 jyldyń alty aiyndaǵy jaǵdai týraly habarlamalar ótken jyldyń sáikes kezeńimen salystyrǵanda 25-30% tómendegeni týraly aitqan.
DDU modeline sáikes, aýrý jaǵdailary týraly habarlamalar sanynyń mundai azaiýy týberkýlezden qosymsha ólimniń kúrt ósýine ákelýi múmkin. 2018-2019 jyldar aralyǵynda shamamen 14 million adam týberkýlezden emdelgen, biraq bul 2022 jylǵa deiin emdelýge úmittengen 40 millionnyń úshten biri ǵana.
DDU málimetteri boiynsha, naýqastardyń shamamen 85%-yn alty ai boiy dári-dármekpen sátti emdeýge bolady. Emdeý sonymen qatar infektsiianyń odan ári taralýyn azaitady. 2000 jyldan bastap týberkýlezdi emdeý 60 millionnan astam adamnyń ólimin saqtap qaldy.
Esterińizge sala keteiik, týberkýlez álemdegi eń qaýipti juqpaly aýrý bolyp sanalady. Bul kóbinese ókpege áser etetin jáne ońai taralýy múmkin bakteriialardan bolady.
