Foto: ashyq derekkóz
Qazaqstan sozylmaly infektsiialyq emes aýrýlardan bolatyn mezgilsiz ólim-jitimdi tómendetýge qol jetkizgen álemdegi 10 eldiń birine ainaldy. DDU Eýropalyq óńirlik biýrosynyń direktory Hans Kliýge bul rette memlekettik qoldaý sharalary mańyzdy ról atqarǵanyn atap ótti, dep habarlaidy Ult.kz.
«Qazaqstan – júrek-qan tamyrlary aýrýlary, onkologiialyq jáne basqa da sozylmaly juqpaly emes aýrýlardan bolatyn mezgilsiz ólim-jitimdi tómendetýge qol jetkizgen álemdegi on eldiń biri. Qazaqstannyń aldyn alý salasynda qabyldap jatqan sharalary úlken áser etti: veipterge tyiym salyndy, alkogolge qatysty qatań saiasat júrgizilýde, adam papillomasy virýsyna qarsy ekpe salý baǵdarlamasy júzege asyrylýda», — dep atap ótti Hans Kliýge.
Ol sondai-aq kóp uzamai DDU qamqorlyǵymen Qazaqstan men DDU Eýropalyq biýrosy arasyndaǵy yntymaqtastyq aiasynda joǵary bilikti kadrlardy daiarlaý júzege asyrylatyn Alǵashqy meditsinalyq-sanitarlyq kómek akademiiasyn ashý josparlanyp otyrǵanyn aitty. Jas mamandar alǵashqy meditsinalyq-sanitarlyq kómek deńgeiinde oqyp, meditsinalyq qyzmet kórsetetin bolady.
