فوتو: اشىق دەرەككٶز
قازاقستان سوزىلمالى ينفەكتسييالىق ەمەس اۋرۋلاردان بولاتىن مەزگٸلسٸز ٶلٸم-جٸتٸمدٸ تٶمەندەتۋگە قول جەتكٸزگەن ەلەمدەگٸ 10 ەلدٸڭ بٸرٸنە اينالدى. ددۇ ەۋروپالىق ٶڭٸرلٸك بيۋروسىنىڭ ديرەكتورى حانس كليۋگە بۇل رەتتە مەملەكەتتٸك قولداۋ شارالارى ماڭىزدى رٶل اتقارعانىن اتاپ ٶتتٸ, دەپ حابارلايدى Ult.kz.
«قازاقستان – جٷرەك-قان تامىرلارى اۋرۋلارى, ونكولوگييالىق جەنە باسقا دا سوزىلمالى جۇقپالى ەمەس اۋرۋلاردان بولاتىن مەزگٸلسٸز ٶلٸم-جٸتٸمدٸ تٶمەندەتۋگە قول جەتكٸزگەن ەلەمدەگٸ ون ەلدٸڭ بٸرٸ. قازاقستاننىڭ الدىن الۋ سالاسىندا قابىلداپ جاتقان شارالارى ٷلكەن ەسەر ەتتٸ: ۆەيپتەرگە تىيىم سالىندى, الكوگولگە قاتىستى قاتاڭ ساياسات جٷرگٸزٸلۋدە, ادام پاپيللوماسى ۆيرۋسىنا قارسى ەكپە سالۋ باعدارلاماسى جٷزەگە اسىرىلۋدا», — دەپ اتاپ ٶتتٸ حانس كليۋگە.
ول سونداي-اق كٶپ ۇزاماي ددۇ قامقورلىعىمەن قازاقستان مەن ددۇ ەۋروپالىق بيۋروسى اراسىنداعى ىنتىماقتاستىق اياسىندا جوعارى بٸلٸكتٸ كادرلاردى دايارلاۋ جٷزەگە اسىرىلاتىن العاشقى مەديتسينالىق-سانيتارلىق كٶمەك اكادەميياسىن اشۋ جوسپارلانىپ وتىرعانىن ايتتى. جاس ماماندار العاشقى مەديتسينالىق-سانيتارلىق كٶمەك دەڭگەيٸندە وقىپ, مەديتسينالىق قىزمەت كٶرسەتەتٸن بولادى.
