Eýropada koronavirýstyń «omikron» shtamynan keiin pandemiia toqtaýy múmkindigi týraly boljam jasaldy. Izrail indetke qarsy tórtinshi dozamen egý nátijelerin jariialady. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda aityldy, dep habarlaidy QazAqparat.
Izrail ǵalymdary vaktsinatsiia kezindegi údetkish dozalar týraly málimetterdi jariialady. Bul jaǵdaida preparattyń koronavirýsqa qarsy tórtinshi dozasynyń áseri baǵalandy. «Qorytyndy – vaktsinanyń tórtinshi dozasy koronavirýstan eki ese jaqsy qorǵaidy», dep habarlady Izraildiń Densaýlyq saqtaý ministrligi.
Bul sheshim 60 jastan asqan adamdar arasynda júrgizilgen zertteýlerdiń nátijelerine negizdelgen, tórtinshi ret vaktsinatsiia jasaǵan 400 myń qart izraildiktiń, sondai-aq vaktsinanyń tek úsh dozasyn alǵan 600 myń izraildiktiń derekteri eskerilgen.
Aita keteiik, Izrail koronavirýsqa qarsy tórtinshi dozamen vaktsinalaýdy qańtar aiynda bastady.
Dúniejúzilik densaýlyq saqtaý uiymynyń sarapshylary koronavirýstyń «omikron» shtamy Eýropada pandemiianyń toqtaýyna yqpal etýi múmkin degen boljam jasady. «Virýstyń bul nusqasy COVID-19 infektsiiasyn jańa, sońǵy fazaǵa aýystyrdy», dedi DDU Eýropalyq aimaqtyq biýrosynyń direktory Hans Klýge. «Eýropa pandemiianyń sońǵy kezeńine jaqyndap qalǵany ábden múmkin», - dedi Klýge. Onyń paiymdaýynsha, «omikron» shtamy basylǵannan keiin Eýropada jahandyq immýnitet biraz ýaqytqa saqtalady. Munyń sebebi vaktsinatsiia men aýrýdan saýyqqannan keiingi aǵzada bolatyn ishki qorǵanys.
Alaida, bul rette, halyqty immýndaý qarqynyn tómendetýge esh jol berýge bolmaidy.
