ەۋروپادا كوروناۆيرۋستىڭ «وميكرون» شتامىنان كەيٸن پاندەمييا توقتاۋى مٷمكٸندٸگٸ تۋرالى بولجام جاسالدى. يزرايل ٸندەتكە قارسى تٶرتٸنشٸ دوزامەن ەگۋ نەتيجەلەرٸن جارييالادى. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram-كانالىندا ايتىلدى, دەپ حابارلايدى قازاقپارات.
يزرايل عالىمدارى ۆاكتسيناتسييا كەزٸندەگٸ ٷدەتكٸش دوزالار تۋرالى مەلٸمەتتەردٸ جارييالادى. بۇل جاعدايدا پرەپاراتتىڭ كوروناۆيرۋسقا قارسى تٶرتٸنشٸ دوزاسىنىڭ ەسەرٸ باعالاندى. «قورىتىندى – ۆاكتسينانىڭ تٶرتٸنشٸ دوزاسى كوروناۆيرۋستان ەكٸ ەسە جاقسى قورعايدى», دەپ حابارلادى يزرايلدٸڭ دەنساۋلىق ساقتاۋ مينيسترلٸگٸ.
بۇل شەشٸم 60 جاستان اسقان ادامدار اراسىندا جٷرگٸزٸلگەن زەرتتەۋلەردٸڭ نەتيجەلەرٸنە نەگٸزدەلگەن, تٶرتٸنشٸ رەت ۆاكتسيناتسييا جاساعان 400 مىڭ قارت يزرايلدٸكتٸڭ, سونداي-اق ۆاكتسينانىڭ تەك ٷش دوزاسىن العان 600 مىڭ يزرايلدٸكتٸڭ دەرەكتەرٸ ەسكەرٸلگەن.
ايتا كەتەيٸك, يزرايل كوروناۆيرۋسقا قارسى تٶرتٸنشٸ دوزامەن ۆاكتسينالاۋدى قاڭتار ايىندا باستادى.
دٷنيەجٷزٸلٸك دەنساۋلىق ساقتاۋ ۇيىمىنىڭ ساراپشىلارى كوروناۆيرۋستىڭ «وميكرون» شتامى ەۋروپادا پاندەمييانىڭ توقتاۋىنا ىقپال ەتۋٸ مٷمكٸن دەگەن بولجام جاسادى. «ۆيرۋستىڭ بۇل نۇسقاسى COVID-19 ينفەكتسيياسىن جاڭا, سوڭعى فازاعا اۋىستىردى», دەدٸ ددۇ ەۋروپالىق ايماقتىق بيۋروسىنىڭ ديرەكتورى حانس كلۋگە. «ەۋروپا پاندەمييانىڭ سوڭعى كەزەڭٸنە جاقىنداپ قالعانى ەبدەن مٷمكٸن», - دەدٸ كلۋگە. ونىڭ پايىمداۋىنشا, «وميكرون» شتامى باسىلعاننان كەيٸن ەۋروپادا جاھاندىق يممۋنيتەت بٸراز ۋاقىتقا ساقتالادى. مۇنىڭ سەبەبٸ ۆاكتسيناتسييا مەن اۋرۋدان ساۋىققاننان كەيٸنگٸ اعزادا بولاتىن ٸشكٸ قورعانىس.
الايدا, بۇل رەتتە, حالىقتى يممۋنداۋ قارقىنىن تٶمەندەتۋگە ەش جول بەرۋگە بولمايدى.
