16 naýryzda Dúniejúzilik densaýlyq saqtaý uiymynyń vaktsina qaýipsizdigi jónindegi sarapshylary koronavirýsqa qarsy AstraZeneca vaktsinasyn paidalaný máselesin talqylaidy. Buǵan deiin kóptegen elder atalǵan vaktsinany paidalanýdy toqtatyp, "preparat qan ainalymyn nasharlatyp, trombylardyń túzilýine yqpal etedi" degen habarlamaǵa alańdaǵan.
DDSU britan-shved ǵalymdary men Oksford ýniversitetiniń birlesip ázirlegen preparatyn qoldanýdy toqtatpaýǵa shaqyrdy. Osyǵan deiin Eýroodaqtyń birneshe memleketi vaktsinany egýdi doǵarǵan.
DDSU trombylardyń túzilýine vaktsinanyń qatysy dáleldenbegenin alǵa tartady. Uiym vaktsinany paidalana berý kerek dep sanaidy.
Eýroodaqtyń iri úsh memleketi – Frantsiia, Germaniia men Italiia 15 naýryzda vaktsinany qoldanýdy toqtatqan. Keiinirek olarǵa Portýgaliia, Ispaniia, Latviia men Sloveniia qosyldy.
14 naýryzda Niderlandy, Irlandiia, Daniia, Norvegiia, Bolgariia jáne Tailand ony paidalanýdy toqtatqan.
"Patsientke áseri bar" dep málimdep, biraq naqty qandai áseri baryn aitpaǵan Venesýela vaktsinany maquldamaitynyn aitqan. Indoneziia ózge vaktsinalarmen salystyrǵanda quny arzanyraq turatyn dárini paidalanýdy keiinge shegergen.
