Dúniejúzilik densaýlyq saqtaý uiymy qazaqstandyq meditsina mamandaryna jeke qorǵanys quraldaryn jiberdi, dep habarlaidy "Ult aqparat" Densaýlyq saqtaý ministrliginiń baspasóz qyzmetine silteme jasap.
«Almaty áýejaiyna qazaqstandyq meditsina mamandary úshin jeke qorǵanys quraldary tielgen bort kelip qondy. Jetkizilimdi Qazaqstandaǵy DDSU Eldik keńsesi uiymdastyrdy. Júk partiiasynda meditsinalyq mamandarǵa arnalǵan qajetti jeke qorǵanys quraldary bar. Respirator jáne meditsina maskasy (betperde), betke arnalǵan qorǵanys ekrany men kózildirik, sondai-aq qorǵaǵysh halattar. 53 tonnadan astam júktiń jalpy baǵasy 2,7 mln AQSh dollary», delingen habarlamada.
«SOVID-19 indetimen kúreste meditsinalyq qyzmetkerlerdiń basty ról atqarady. Olar ózin jáne emdelýshilerin infektsiia juqtyryp alýdan qorǵaýy jáne infektsiianyń qorshaǵan ortaǵa taralýyna jol bermeý úshin qajetti qorǵanys quraldarmen qamtamasyz etilýi tiis», - dedi Qazaqstandaǵy DDSU Eldik keńsesiniń basshysy Kerolain Klarinval.
DDU Qazaqstannyń indetpen kúresýine qoldaý kórsetý úshin tehnikalyq saraptama jasaýǵa jáne meditsinalyq júk jetkizýin jalǵastyrady.
