Byltyr 2019 jylmen salystyrǵanda týberkýlezden kóp adam qaitys boldy, al ony emdeýge bólingen qarajat qysqardy. Dúniejúzilik densaýlyq saqtaý uiymynyń (DDSU) esebinde osyndai qorytyndy jasalǵan.
"COVID-19 indeti túbirkúlezben uzaq jylǵy kúrestiń nátijesin kemitti, ondaǵan jylda alǵash ret osy aýrýdan qaitys bolǵandar kóbeidi" delingen esepte.
DDSU sarapshylarynyń pikirinshe, máseleniń túbiri týberkýlezben kúresýge baǵyttalǵan resýrstyń qysqarýynda bolyp otyr. Kóptegen el atalǵan aýrýdy emdeý úshin bólingen qarajatty koronavirýspen kúreske baǵyttaǵan.
"Indetke bailanysty negizgi meditsinalyq qyzmet túrleriniń kidirýi týberkýlezben uzaq jylǵy kúres nátijelerine nuqsan keltirýi múmkin degen boljamdy zertteýler rastady" dedi DDSU jetekshisi Tedros Gebreiesýs.
DDSU málimetinshe, 2020 jyly týberkýlezden shamamen 1,5 mln adam qaitys bolǵan. Kóp adam ólimi negizinen 30 el, arasynda Úndistan, Indoneziia, Filippin, Qytai da bar, tirkelgen. Tizimde Qazaqstan joq.
DDSU esebinde týberkýlezben kúres sharalaryn dereý qalpyna keltirý jóninde úndeý de bar.
