Dúniejúzilik densaýlyq saqtaý uiymynyń jetekshileri koronavirýstyń jańa túri “eshqashan joǵalmaýy múmkin” jáne SPID aýrýyn týdyratyn HIV siiaqty turaqty túrde kezdesetin virýsqa ainalýy yqtimal deidi. DDSU uiymynyń tótenshe jaǵdai jónindegi direktory Maikl Raian 13 mamyr kúngi onlain brifingte osylai dep málimdedi.
“Muny birden ashyp aitqan durys: bul virýs ózge juqpaly virýstar siiaqty turaqty virýsqa ainalýy múmkin, eshqashan joiylmaýy múmkin” dedi Raian.
Onyń aitýynsha, koronavirýsqa qarsy vaktsina shyǵarylǵan kúnniń ózinde virýsty tejeý úshin kóp kúsh-jiger qajet bolady.
Álemde koronavirýs juqtyrǵandar 4,3 mln adamǵa jetti, koronavirýstyń jańa túrinen 300,000 adam qaitys boldy. Indettiń qaita órshý qaýpine qaramastan Eýroodaq birtindep shekaralaryn ashýǵa talpynyp jatyr. Eýropanyń basym bóliginde indettiń beti qaitqanmen álemniń ózge bóliginde indettiń órshýi baiqalady. Braziliia men Reseide koronavirýs juqtyrǵandar kóbeigen. Qytai indettiń ekinshi tolqynynan qaýiptenip otyr. AQSh-ta densaýlyq saqtaý salasy mamandarynyń eskertýine qaramastan gýbernatorlardyń jartysynan kóbi shtat shekaralaryn ashty.
