Dúniejúzilik densaýlyq saqtaý uiymy (DDSU) Afrika elderindegi uzaq jyldar boiy júrgizilgen synaqtardan keiin bezgekke qarsy álemdegi alǵashqy vaktsinany qoldanýdy maquldady jáne ony búkil álemde qoldanýdy bastaýdy usyndy, dep habarlaidy QazAqparat Deutsche Welle-ge silteme jasap.
DDSU bas direktory Tedros Adanom Gebreiesýs BUU densaýlyq saqtaý agenttiginiń eki saraptamalyq konsýltativtik tobynyń maquldaýyn «tarihi sát» dep atady.
RTS, S jáne «Moskiriks» degen atpen belgili bezgekke qarsy vaktsinany alǵash ret 1987 jyly britandyq GlaxoSmithKline (GSK) farmatsevtikalyq kompaniiasy jasaǵan.
«Bul – Afrikada afrikalyq ǵalymdar jasaǵan vaktsina jáne biz ony maqtan tutamyz. Bul vaktsinany bezgektiń aldyn alý quraly retinde qosymsha paidalaný jyl saiyn ondaǵan myń jas adamnyń ómirin saqtap qalýy múmkin», - dedi DDSU bas direktory.
2019 jyldan bastap DDSU Gana, Keniia jáne Malavidegi 800 myńnan astam balaǵa osy vaktsinanyń tiimdiligin zerttedi.
Bezgek – bul bezgek masalarynyń shaǵýy arqyly adamǵa beriletin juqpaly aýrý. Aýrý qyzba, qaltyraý, kókbaýyr men baýyr kóleminiń ulǵaiýymen, sondai-aq anemiiamen birge júredi. Jyl saiyn ony shamamen 350-500 million adam juqtyrady. Onyń ishinde 1,3-3 millionǵa jýyq adam kóz jumady. Negizinen bul aýrý Saharanyń ońtústigindegi Afrika elderinde taralǵan.
