دٷنيەجٷزٸلٸك دەنساۋلىق ساقتاۋ ۇيىمى (ددسۇ) افريكا ەلدەرٸندەگٸ ۇزاق جىلدار بويى جٷرگٸزٸلگەن سىناقتاردان كەيٸن بەزگەككە قارسى ەلەمدەگٸ العاشقى ۆاكتسينانى قولدانۋدى ماقۇلدادى جەنە ونى بٷكٸل ەلەمدە قولدانۋدى باستاۋدى ۇسىندى, دەپ حابارلايدى قازاقپارات Deutsche Welle-گە سٸلتەمە جاساپ.
ددسۇ باس ديرەكتورى تەدروس ادانوم گەبرەيەسۋس بۇۇ دەنساۋلىق ساقتاۋ اگەنتتٸگٸنٸڭ ەكٸ ساراپتامالىق كونسۋلتاتيۆتٸك توبىنىڭ ماقۇلداۋىن «تاريحي سەت» دەپ اتادى.
RTS, S جەنە «موسكيريكس» دەگەن اتپەن بەلگٸلٸ بەزگەككە قارسى ۆاكتسينانى العاش رەت 1987 جىلى بريتاندىق GlaxoSmithKline (GSK) فارماتسەۆتيكالىق كومپانيياسى جاساعان.
«بۇل – افريكادا افريكالىق عالىمدار جاساعان ۆاكتسينا جەنە بٸز ونى ماقتان تۇتامىز. بۇل ۆاكتسينانى بەزگەكتٸڭ الدىن الۋ قۇرالى رەتٸندە قوسىمشا پايدالانۋ جىل سايىن ونداعان مىڭ جاس ادامنىڭ ٶمٸرٸن ساقتاپ قالۋى مٷمكٸن», - دەدٸ ددسۇ باس ديرەكتورى.
2019 جىلدان باستاپ ددسۇ گانا, كەنييا جەنە مالاۆيدەگٸ 800 مىڭنان استام بالاعا وسى ۆاكتسينانىڭ تيٸمدٸلٸگٸن زەرتتەدٸ.
بەزگەك – بۇل بەزگەك ماسالارىنىڭ شاعۋى ارقىلى ادامعا بەرٸلەتٸن جۇقپالى اۋرۋ. اۋرۋ قىزبا, قالتىراۋ, كٶكباۋىر مەن باۋىر كٶلەمٸنٸڭ ۇلعايۋىمەن, سونداي-اق انەمييامەن بٸرگە جٷرەدٸ. جىل سايىن ونى شامامەن 350-500 ميلليون ادام جۇقتىرادى. ونىڭ ٸشٸندە 1,3-3 ميلليونعا جۋىق ادام كٶز جۇمادى. نەگٸزٸنەن بۇل اۋرۋ ساحارانىڭ وڭتٷستٸگٸندەگٸ افريكا ەلدەرٸندە تارالعان.
