Foto: ashyq derekkóz
Dúniejúzilik densaýlyq saqtaý uiymynyń basshy Tedros Adanom Gebreiesýs Astanaǵa sapary barysynda Qazaqstandaǵy qudalaryna qonaqqa bardy, dep habarlaidy Ult.kz.
Belgili bolǵandai, ol aqyn, Qazaqstannyń eńbek sińirgen qairatkeri, aitysker Júrsin Ermannyń qudasy. Júrsin Ermannyń nemeresi Aidana Tedros Gebreiesýstyń uldarynyń birine turmysqa shyqqan.
DDSU basshysy kezdesýden video jariialap, qazaqstandyq týystaryna jyly qarsy alǵany úshin alǵys bildirdi.
«Qudaǵi Ardaq pen quda Dáýletke tamasha kesh úshin raqmet. Qazaqstandaǵy qudalarymmen birge keremet ýaqyt ótkizdim. Kúlki, mahabbat jáne bir shańyraq astynda aitylǵan ásem ánder», — dep jazdy ol.
Sonymen qatar Tedros Gebreiesýs úsh nemeresi úshin rizashylyǵyn bildirip, Qazaqstandy «ekinshi úiim» dep atady.
«Maǵan úsh keremet nemere syilaǵandaryńyz úshin raqmet. Olar – meniń barym. Qazaqstanda bolǵanyma óte qýanyshtymyn. Otbasy – júrek án salatyn oryn, búgin ol baqytqa toly», — dedi ol.
Aita keteiik, buǵan deiin Memleket basshysy Qasym-Jomart Toqaev DDSU bas direktorymen kezdesý ótkizgen bolatyn.
