Ǵalamshar turǵyndaryna koronavirýsqa qarsy vaktsinanyń 780 millionnan astam dozasy egildi. Bul týraly dúisenbide Dúniejúzilik densaýlyq saqtaý uiymynyń (DDSU) basshysy Tedros Gebreiesýs málim etti.
Osyǵan qaramastan, jeti apta boiy SOVID-19 virýsyna shaldyǵý oqiǵalary sany arty keledi, dep habarlaidy "Ult aqparat" BUU Jańalyqtar ortalyǵyna silteme jasap.
«Eshbir kúmán joq: vaktsina — mańyzdy ári qýatty element. Biraq jalǵyz element emes. Biz ony kún saiyn, apta boiy aityp kelemiz jáne osyny budan ary da qaitalap júremiz», - dedi doktor Tedros.
Ol barlyq adamdardyń, sonyń ishinde ekpe saldyrtqandar da áli de saqtyq sharalaryn saqtaýy, iaǵni maska taǵyp, qoldy jii jýyp otyrý, dezinfektsiialaýshy quraldardy paidalaný, ǵimarat ishterin jeldetip otyrý, sondai-aq COVID-19 virýsyna test tapsyryp otyrýy tiis ekenin atap ótti.
Doktor Tedros kóptegen elderde aýrýǵa shaldyǵý oqiǵalary sanynyń ósýi bilik pen turǵyndardyń tiianaqsyzdyǵynan ekenin atap ótti. DDSU-da jalpy karantindi engizý, barlyq mekeme jáne uiymdardy tolyq jabýǵa qarsy shyǵyp, karantinmen kúres júrgizýge ólshengen sharalar kombinatsiiasy sátti kúres júrgizýge kómektese alady dep sanaidy.
«Biz de ekonomikanyń qaita iske qosylyp, saýda men týrizmniń qalpyna kelgenin kórgimiz keledi. Biraq qazirgi kezde kóptegen elderde qarqyndy terapiia bólimderi toly jáne adamdar qaitys bolyp jatyr, Keibir elderde virýstyń taralýyna qaramastan, meiramhanalar men túngi klýbtar adamdarǵa toly, bazarlar ashyq, kóp adamdar saqtyq sharalaryn saqtamai júr», - dep qosty ol.
Tedros Gebreiesýs virýstan tipti jastar da kóz jumyp jatqanyn atap ótti.
«Bul aýrý — tumaý emes. Biz bul infektsiianyń saldary qanshalyqty ýaqytqa sozylatynyn áli de túsinbei otyrmyz», — dedi ol.
COVID-19 virýsymen jeńil formada aýyrǵan kóptegen adamdar tipti birneshe aidan keiin de tez sharshaý, álsizdik, bas ainalý, uiqysyzdyq, depressiia, býyndarynyń aýyratynyn atap ótýde.
«Bul pandemiianyń sońy baiqalmaidy. Birlesip kúsh salyp, qoǵamdyq densaýlyq saqtaý salasynda tiisti sharalar qabyldap, turǵyndardyń ádiletti vaktsinalanýyn qamtamasyz etken jaǵdaida, biz pandemiiany birneshe aida baqylaýǵa alamyz», — dep qorytyndylady ol.
