عالامشار تۇرعىندارىنا كوروناۆيرۋسقا قارسى ۆاكتسينانىڭ 780 ميلليوننان استام دوزاسى ەگٸلدٸ. بۇل تۋرالى دٷيسەنبٸدە دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باسشىسى تەدروس گەبرەيەسۋس مەلٸم ەتتٸ.
وسىعان قاراماستان, جەتٸ اپتا بويى سOVID-19 ۆيرۋسىنا شالدىعۋ وقيعالارى سانى ارتى كەلەدٸ, دەپ حابارلايدى "ۇلت اقپارات" بۇۇ جاڭالىقتار ورتالىعىنا سٸلتەمە جاساپ.
«ەشبٸر كٷمەن جوق: ۆاكتسينا — ماڭىزدى ەرٸ قۋاتتى ەلەمەنت. بٸراق جالعىز ەلەمەنت ەمەس. بٸز ونى كٷن سايىن, اپتا بويى ايتىپ كەلەمٸز جەنە وسىنى بۇدان ارى دا قايتالاپ جٷرەمٸز», - دەدٸ دوكتور تەدروس.
ول بارلىق ادامداردىڭ, سونىڭ ٸشٸندە ەكپە سالدىرتقاندار دا ەلٸ دە ساقتىق شارالارىن ساقتاۋى, ياعني ماسكا تاعىپ, قولدى جيٸ جۋىپ وتىرۋ, دەزينفەكتسييالاۋشى قۇرالداردى پايدالانۋ, عيمارات ٸشتەرٸن جەلدەتٸپ وتىرۋ, سونداي-اق COVID-19 ۆيرۋسىنا تەست تاپسىرىپ وتىرۋى تيٸس ەكەنٸن اتاپ ٶتتٸ.
دوكتور تەدروس كٶپتەگەن ەلدەردە اۋرۋعا شالدىعۋ وقيعالارى سانىنىڭ ٶسۋٸ بيلٸك پەن تۇرعىنداردىڭ تيياناقسىزدىعىنان ەكەنٸن اتاپ ٶتتٸ. ددسۇ-دا جالپى كارانتيندٸ ەنگٸزۋ, بارلىق مەكەمە جەنە ۇيىمداردى تولىق جابۋعا قارسى شىعىپ, كارانتينمەن كٷرەس جٷرگٸزۋگە ٶلشەنگەن شارالار كومبيناتسيياسى سەتتٸ كٷرەس جٷرگٸزۋگە كٶمەكتەسە الادى دەپ سانايدى.
«بٸز دە ەكونوميكانىڭ قايتا ٸسكە قوسىلىپ, ساۋدا مەن تۋريزمنٸڭ قالپىنا كەلگەنٸن كٶرگٸمٸز كەلەدٸ. بٸراق قازٸرگٸ كەزدە كٶپتەگەن ەلدەردە قارقىندى تەراپييا بٶلٸمدەرٸ تولى جەنە ادامدار قايتىس بولىپ جاتىر, كەيبٸر ەلدەردە ۆيرۋستىڭ تارالۋىنا قاراماستان, مەيرامحانالار مەن تٷنگٸ كلۋبتار ادامدارعا تولى, بازارلار اشىق, كٶپ ادامدار ساقتىق شارالارىن ساقتاماي جٷر», - دەپ قوستى ول.
تەدروس گەبرەيەسۋس ۆيرۋستان تٸپتٸ جاستار دا كٶز جۇمىپ جاتقانىن اتاپ ٶتتٸ.
«بۇل اۋرۋ — تۇماۋ ەمەس. بٸز بۇل ينفەكتسييانىڭ سالدارى قانشالىقتى ۋاقىتقا سوزىلاتىنىن ەلٸ دە تٷسٸنبەي وتىرمىز», — دەدٸ ول.
COVID-19 ۆيرۋسىمەن جەڭٸل فورمادا اۋىرعان كٶپتەگەن ادامدار تٸپتٸ بٸرنەشە ايدان كەيٸن دە تەز شارشاۋ, ەلسٸزدٸك, باس اينالۋ, ۇيقىسىزدىق, دەپرەسسييا, بۋىندارىنىڭ اۋىراتىنىن اتاپ ٶتۋدە.
«بۇل پاندەمييانىڭ سوڭى بايقالمايدى. بٸرلەسٸپ كٷش سالىپ, قوعامدىق دەنساۋلىق ساقتاۋ سالاسىندا تيٸستٸ شارالار قابىلداپ, تۇرعىنداردىڭ ەدٸلەتتٸ ۆاكتسينالانۋىن قامتاماسىز ەتكەن جاعدايدا, بٸز پاندەمييانى بٸرنەشە ايدا باقىلاۋعا الامىز», — دەپ قورىتىندىلادى ول.
