Fotokollaj: ulysmedia.kz
Májilis depýtaty Jigýli Dairabaev jyljymaityn múlikke qatysty zańsyz áreketter jasaǵany týraly aiyptaýlarǵa jaýap berdi, - dep habarlaidy "Ult aqparat".
Onyń sózinshe, Merkedegi úi zańdy túrde alynǵan, úi ieleriniń quqyqtary saqtalǵan.
"Qadirmendi dostar! Jumystyń kóp bolýyna bailanysty áleýmettik jelide men týraly qaýeset taratqandarǵa reaktsiia berýge úlgermei jatyrmyn. Ǵafý etersizder. Endi mine tolyq jaýap berýge múmkindigim bar.
Meni eki epizod boiynsha kinálap jatyr eken. Birinshisi Merkede satyp alynǵan úi bolsa, ekinshisi - Keńes aýylyndaǵy jer. Jaýabym mynadai:
1. Úige bailanysty: Jalpy kez kelgen adam qundy zat satyp alǵanda jeti ret ólshep baryp sheshim qabyldaidy. Otbasyma dep satyp alǵan úi ýaqyt ótken soń zańsyz dep eseptelgeni kimge kerek? Mundai táýekel eshkimge de qajet emes. Ózińizge osy bir suraqty qoiyp kórseńiz, birden túsinesizder dep oilaimyn. Notariýs arqyly jasalǵan kelisim-shartymyz zańdy, úi ieleriniń quqyqtary saqtalǵan. Aqsha talap etip júrgen azamatty tanymaimyn da. Bilýimshe, ol úi satqan áieldiń burynǵy jubaiy (ajyrasqan). Erli-zaiyptylardyń arasyna kirisetin adam emespin. Ol azamat meniń osy laýazymymdy paidalanyp, bopsalaý jolyn tańdaǵan. Aita keteiin, mundai áreket birinshi ret emes. Osydan biraz ýaqyt buryn meni kinálaǵan adam meni qaralaǵan úshin sottyń sheshimimen jazalanyp, aiyppul tólegen bolatyn. Bul áreketin toqtatpasa, qaitadan sotqa júginýime týra keledi", - dedi ol Facebook-paraqshasynda.
Jigýli Dairabaev Keńes aýylyndaǵy jer máselesine de qatysty da pikir bildirip, bul jaǵdai buryn bastalǵanyn aitty.
"2. Keńes aýylyndaǵy jerge bailanysty: Bul jaǵdai 20 jyl buryn bolǵan. Jerge qatysty kompaniianyń ieleri - aǵaiyndy Iemberdievter (Erlan men Nurlan Ergeshbaiuldary). Olar qazir Qazaqstanda. Shataspasam, Almatyda turady. Jerdiń de, aqshanyń da iesi - osylar. Meniń bul iske eshqandai qatysym joq. Kezinde men tek jaldamaly qyzmetker boldym. Merki aýdanynda 1 metr de jerim joq. Sondyqtan da aýyldaǵy narazy adamdardyń aryzdary jer ieleri Iemberdievterge joldanýy tiis dep esepteimin. Aýyl turǵyndary meni negizsiz kinálamai, qaita kómegime júgingeni durys edi. Áli de kesh emes", - deidi depýtat.
