10 adamnan turatyn top daýyl saldarynan Alakóldiń mańyndaǵy Araltóbe aralynda túnep shyqty.
Shyǵys Qazaqstan oblysy TJ departamenti baspasóz qyzmetiniń málimetinshe, keshe túnde on adamnan turatyn top, onyń ishinde balalar Alakól jaǵalaýynan 18 shaqyrym qashyqtyqta ornalasqan Araltóbe aralyna serýendeý katerimen attanǵan.
Biraz ýaqyttan keiin qatty jel kóteriledi. Adamdar úlken tolqyndardan qorqyp, keri qaitýǵa táýekel jasamai, keshki saǵat 22 shamasynda qutqarýshylarǵa habarlasqan.
"Bul kezde daýyl áli basylǵan joq edi, kólge shyǵý qaýipti boldy. Degenmen jel toqtaǵannan keiin biz atalǵan baǵyt boiynsha jolǵa shyqtyq. Tańǵy saǵat beske qarai araldaǵy adamdardy taptyq. Olarǵa meditsinalyq kómek qajet bolmady", - dedi oblys qutqarýshylarynyń jedel qutqarý jasaǵy altynshy bóliminiń basshysy Nurjan Bajaqov.
Nátijesinde qutqarýshylar adamdardy eki qaiyqpen jaǵaǵa jetkizdi.
Shomylý maýsymy bastalǵaly beri Shyǵys Qazaqstan oblysynyń sý aidyndarynda 23 adam qutqaryldy.
