10 ادامنان تۇراتىن توپ داۋىل سالدارىنان الاكٶلدٸڭ ماڭىنداعى ارالتٶبە ارالىندا تٷنەپ شىقتى.
شىعىس قازاقستان وبلىسى تج دەپارتامەنتٸ باسپاسٶز قىزمەتٸنٸڭ مەلٸمەتٸنشە, كەشە تٷندە ون ادامنان تۇراتىن توپ, ونىڭ ٸشٸندە بالالار الاكٶل جاعالاۋىنان 18 شاقىرىم قاشىقتىقتا ورنالاسقان ارالتٶبە ارالىنا سەرۋەندەۋ كاتەرٸمەن اتتانعان.
بٸراز ۋاقىتتان كەيٸن قاتتى جەل كٶتەرٸلەدٸ. ادامدار ٷلكەن تولقىنداردان قورقىپ, كەرٸ قايتۋعا تەۋەكەل جاساماي, كەشكٸ ساعات 22 شاماسىندا قۇتقارۋشىلارعا حابارلاسقان.
"بۇل كەزدە داۋىل ەلٸ باسىلعان جوق ەدٸ, كٶلگە شىعۋ قاۋٸپتٸ بولدى. دەگەنمەن جەل توقتاعاننان كەيٸن بٸز اتالعان باعىت بويىنشا جولعا شىقتىق. تاڭعى ساعات بەسكە قاراي ارالداعى ادامداردى تاپتىق. ولارعا مەديتسينالىق كٶمەك قاجەت بولمادى", - دەدٸ وبلىس قۇتقارۋشىلارىنىڭ جەدەل قۇتقارۋ جاساعى التىنشى بٶلٸمٸنٸڭ باسشىسى نۇرجان باجاقوۆ.
نەتيجەسٸندە قۇتقارۋشىلار ادامداردى ەكٸ قايىقپەن جاعاعا جەتكٸزدٸ.
شومىلۋ ماۋسىمى باستالعالى بەرٸ شىعىس قازاقستان وبلىسىنىڭ سۋ ايدىندارىندا 23 ادام قۇتقارىلدى.
