Ulttyq qoǵamdyq senim keńesiniń múshesi, «Qazaq ádebieti» gazetiniń bas redaktory Dáýren Qýat Qasym-Jomart Toqaevtyń halyqqa arnaǵan Úndeýine qatysty pikir bildirdi, dep habarlaidy QazAqparat.
«Bálkim, ýaqyttyń tegeýrinine shydaý múmkúin bolmaǵan shyǵar, bálkim, saiasi júieniń talaby men saiasi júristerinen aldanyp qalmaýdyń qiyndyǵynan qiyndyq kórgen shyǵar, kóp jigitter ózderi qoǵamdasyp qurǵan bilikten qashty, qashtyńyz ne, qarsy shyqty. Sol kezde myzǵymaǵan bir adamdy bilemin, ol – Qaskeń – Qasym-Jomart Toqaev. Qasym-Jomart Toqaev degen kisińizdi men ultyn, qazaǵyn súietin, súiýdiń sumdyǵy men shyndyǵyna shydap, tóze biletin tulǵa dep bilemin. Qisatpai, qiratpai qazaǵyn myna qym-qýat zamannan alyp shyǵý oǵan amanat», - deidi Dáýren Qýat.
Odan ári avtor Qazaqstanda saiasi júieni jańǵyrtýǵa naqtyly qadamdar jasalyp jatqanyn atap ótti.
«Al endi, resmi málimet: Men Prezident Qasym-Jomart Toqaevtyń halyqqa arnaǵan Úndeýin qanaǵattanarlyq sezimmen oqyp shyqtym. Qazaqstan búginderi álemdik demokratiialyq úrdisterge ún qatyp, memleketimizdegi saiasi júieni jańǵyrtýǵa naqtyly qadamdar jasap kele jatqanyn kórip otyrmyz. Osy oraida jańa ustanymdarǵa bailanysty parlamenttik oppozitsiia institýtyn qalyptastyryp, zań shyǵarýshy organnyń bir kommisiiasyna tóraǵalyq etýdi, sonymen birge eki hatshynyń oppozitsiialyq depýtattar arasynan sailanýy buryn-sońdy bolmaǵan úrdis ekenin aitqym keledi. Bul kózqarastar men pikirlerdiń sanalýandyǵy men qabyldanatyn sheshimderdiń jan-jaqtylyǵyn qamtamasyz etedi dep senemin», - dedi ol.
Sondai-aq, Dáýren Qýat áielder qaýymy men jastardyń jergilikti organdarǵa kóptep kelýin qoldaitynyn aitty: «Jańa tujyrymdamada, sonymen birge, áielder men jastar úshin 30 paiyzdyq kvota berilýin naqtylai túsedi. Buryn bul másele aýyzsha ǵana sóz bolyp kelse, endi oryndalýy tiis qujat bolatyny túsinikti. Demek, Prezidentimiz aitqandai, buryndary shetqaqpai kórip kelgen áielder qaýymy men jastar Parlamette ǵana emes, jergilikti organdarǵa da keńinen tartyla bastamaq».
Sóz sońynda Ulttyq qoǵamdyq senim keńesiniń múshesi qazaqstandyq qoǵamnyń izgilenýi jedeldei túsetinine senim bildirdi.
«Úndeýde aitylǵan máslihattar sailaýynyń partiialyq tizim boiynsha ótýi kópten beri qoǵamda talqylanyp kele jatqan dúnie. Odan keiin jergilikti ákimderdiń sailanyp qoiylýy óz sheshimin tabady dep senemin. Osylaisha demokratiia qundylyqtary kúndelikti ómirimizge enip, qazaqstandyq qoǵamnyń izgilenýi jedeldei túspek» dep túidi sózin ol.
