"QR aqparat jáne kommýnikatsiia ministri Dáýren Abaev Facebook jelisinde telefondardy mindetti tirkeý týraly normany túsindirdi", - dep habarlaidy "Ult aqparat".
«Qurmetti dostar, uialy telefondardyń IMEI-kodtaryn tirkeý boiynsha birqatar suraqqa jaýap berip, túsindirgim keledi. Birinshiden, biz tirkeý protsedýrasyn daiyndaýǵa kirisip ketken jumys tobyn qurdyq. Mamyr aiynyń sońyna deiin jasalyp, azamattarǵa jan-jaqty túsindiriledi. Ekinshiden, biz turǵylyqty jer boiynsha ýaqytsha tirkeýdiń tájiribesin esepke aldyq, sondyqtan protsedýra barynsha jeńil bolady jáne uzyn-sonar kezek pen dúrligý týǵyzbaidy», — dep jazdy ministr.
Úshinshiden, ministrdiń aitýynsha, IMEI-kodtar bazasyn jasaýdyń halyqaralyq tájiribesi, máselen Ulybritaniia, Túrkiia, Ázirbaijan tájiribeleriniń esepke alynady.
«Tórtinshiden, júie iske qosylǵanda telefon urlyǵyn aitarlyqtai azaitýy kerek. Sebebi turǵyn telefonynyń urlanǵanyn politsiiaǵa habarlasa, ony qulypqa túsirýge bolady. Sonda telefon urlyǵynyń maqsaty bolmai qalady. Búginde IIM málimetinshe, elimizde jyl saiyn 60 myń shamasynda telefon urlanady, al qaitarylý múmkindigi 5 paiyz ǵana. Onyń ústine, kóp jaǵdaida balalar jábirlenýshi bolyp jatady. Endi olardy qylmyskerlerdiń qurbany bolýynyń aldyn alýǵa múmkindik beretin quralymyz bolady», — dep jazdy ministr.
