Qazaqstandyq telearnalardaǵy jýrnalisterdiń kásibi deńgeiiniń tómendigi turǵyndardyń narazylyǵyn týǵyzady. Bul týraly QR aqparat jáne kommýnikatsiia ministri Dáýren Abaev málimdedi, - dedi "Ult aqparat" kaz.tengrinews.kz portalyna silteme jasap.
"Biz júrgizgen áleýmettik saýalnama qorytyndysy boiynsha, jarnamanyń kóptigi, óńirlik kontenttiń joqtyǵy, Qazaqstan týraly tanymdyq baǵdarlamalardyń azdyǵy jáne qazaqstandyq telearnalardaǵy jýrnalisterdiń kásibi deńgeiiniń tómendigi turǵyndardyń narazylyǵyn týǵyzady eken. Bizdiń telearnalarǵa osy máseleler týraly oilaný qajet jáne kórermendi tartý úshin qajetti sharalar júrgizýi tiis", - dedi Dáýren Abaev keńeitilgen alqa otyrysynda.
Osy máselelerdi sheshý úshin ministr serial negizinde tolyqmetraj kartinalar túsirip, qyzmetkerlerdiń jumys sapasyn arttyrý úshin KPI júiesin engizýdi jáne memlekettik radioarnalar men eldiń shekaralas jerinde ornalasqan eldi mekenderde kórsetilimdi taratýdy qolǵa alýdy tapsyrdy.
"Biyl tsifrlyq efir telekórsetilimdi qosý maqsatynda 244 radiotelearna stantsiialary qosylady. Jyl sońyna deiin Qazaqstannyń keibir oblystarynda tsifrlyq taratý júiesi iske qosylady", - dedi ministr.
Eske salaiyq, 2017 jyldyń naýryz aiynda qazaqstandyq jańa "El Arna" kinoarnasy iske qosylady. Otandyq rejisserlerdiń kórkem jáne derekti filmderin, serialdaryn endi "El Arna" dep atalatyn osy jańa arnadan tamashalai alasyzdar.
.jpeg)