Aqparat jáne kommýnikatsiia ministri Dáýren Abaev Qazaqstannyń shalǵai aýyldarynda internettiń nelikten nashar ekenin túsindirdi, - dep habarlaidy Tengrinews.kz tilshisi.
Úkimet otyrysynda ministr elimizdiń barlyq eldi mekenderi qandaida bolsa da Internetpen qamtylǵanyn málimdedi. Degenmen ol shalǵai aýyldarda onyń sapasy nasharlaý ekenin moiyndady.
"Jeke kompaniialar shalǵai aýyldarǵa barmaidy, óitkeni infraqurylymǵa shyǵyndaný kerek. Sáikesinshe, aqshany qaitarý uzaq bolady. Sondyqtan memeleket osy máselemen prezidenttiń tikelei tapsyrmasymen ainalysyp jatyr, biyl osyny júzege asyra bastaimyz degen oidamyn", - deidi Abaev.
Sonymen qatar, ministr shalǵai aýyldardaǵy adamdar sapaly internetti kútetinin vedomstvo ókilderi jaqsy túsinetindigin atap ótti.
"Jańa tehnologiiany qoldaný, ónimin deldalsyz satý úshin fermerler kútip otyr. Bul elektrondy kommertsiia bolady, ónimder qosymshalar arqyly satylady. Muny muǵalimder de kútip otyr, zamanaýi onlain kýrstardy paidalaný úshin. Densaýlyq saqtaý qyzmetkerleri de onlain konsýltatsiia arqyly sapaly ota jasaý úshin kútip otyr", - deidi ministr.
