Búgin Mádeniet jáne sport ministri Dáýren Abaev 2024 jyly Parijde ótetin Olimpiadaǵa daiyndyq máseleleri jóninde keńes ótkizdi. Is-sharaǵa Ulttyq Olimpiada komiteti, sport federatsiialarynyń basshylary, jáne memlekettik jattyqtyrýshylar qatysty, dep habarlaidy "Ult aqparat" vedomstvonyń baspasóz qyzmetine silteme jasap.
«Olimpiada nátijesi – kásibi daiyndyǵymyzdyń kórsetkishi bolmaq. Oǵan federatsiia basshylary, jattyqtyrýshylar, bapkerler, tiisti sala mamandary jáne men – barlyǵymyz jeke-jeke jaýaptymyz», – dedi Dáýren Abaev.
Ministr sportshylardy daiarlaý júiesinde túiitkildi máseleler bar ekenin aitty jáne olardy sheshý maqsatynda atqarylyp jatqan jumystarǵa toqtaldy. Máselen, Úkimet tarapynan sporttyq infraqurylymdy damytýdyń jospar-kestesi ázirlendi. Biyl Almaty, Atyraý, Qaraǵandy, Qyzylorda, Pavlodar jáne Soltústik Qazaqstan oblystarynda 10 dene shynyqtyrý-saýyqtyrý keshenin salý josparlanǵan.
Mádeniet jáne sport ministri Dáýren Abaev elimizdegi 25 jeńil atletikalyq manejdiń tek birnesheýi ǵana jalpy talaptarǵa sai ekenin aitty. Al 367 júzý basseininiń tek ekeýinde halyqaralyq talaptardy eskere otyryp jarystardy ótkizýge bolady.
Ministr Ulttyq qurama komandalar múshelerin daiarlaýdy qamtamasyz etý máselelerine de toqtaldy. Shilde aiynan bastap respýblikalyq sport kolledji bazasynda kúres túrleri boiynsha jattyǵý ortalyǵynyń jumysy pilottyq rejimde iske qosylsa, K.Ahmetov atyndaǵy respýblikalyq olimpiadalyq rezerv mektep-internat-kolledji bazasynda Dziýdo akademiiasy ashyldy.
Taǵy bir jańalyq – 2022 jylǵy 1 shildeden bastap 2024 jylǵa deiin sport tóreshileriniń jumysyna aqy tóleý kezeń-kezeńimen 100%-ǵa artady. Sport salasynda tóreshilerge aqy jarystyń ár kúni úshin tólenedi. Biyl aqy kólemi 2600 teńgeden 8000 teńgege deiin, al 2023 jyly – 13 myń teńgege deiin, 2024 jyly – 17 myń teńgege deiin kóbeietin bolady.
Budan basqa, 2022 jylǵy 1 shildeden bastap Olimpiada, Paralimpiada, Sýrdlimpiada chempiondary men júldegerleri jáne olimpiadalyq sport túrleri boiynsha álem chempiondaryn daiyndaǵan jattyqtyrýshylarǵa ómir boiy ai saiynǵy materialdyq qamtamasyz etý mólsheri 24 AEK-ten 100 AEK-ke deiin ulǵaityldy. Iaǵni, olar endi ai saiyn ortasha eseppen 73 myń teńge emes, 318 myń teńge alyp otyratyn bolady.
Sondai-aq ministr Dáýren Abaev kadrlyq qamtamasyz etý máselesine erekshe nazar aýdardy.
«Búginde elimizde 13 700 jattyqtyrýshy jumys isteidi. Olardyń tek 4% ǵana jyl saiyn biliktilikti arttyrý kýrstarynan ótip júr. Keibir federatsiialar tipti jattyqtyrýshylardy attestattaý boiynsha jumys júrgizbeidi. Sondyqtan federatsiialar osy baǵyttaǵy jumysty jandandyrýy qajet», – dedi ministr.
Aita ketý kerek, Olimpiadada sportshylarymyz sátsiz óner kórsetkennen keiin biyl 28 jattyqtyrýshy qyzmetinen bosatyldy.
Ministrdiń aitýynsha qazirgi ýaqytta jattyqtyrýshy-oqytýshylardyń ailyǵyn kóterý jáne aptalyq saǵattyq júktemesin 18 saǵatqa deiin tómendetý baǵytynda jumys júrgizilip jatyr.
Otandyq sporttyń ǵylymi-meditsinalyq bazasyn nyǵaitý turǵysynda Dáýren Abaev respýblikalyq taldaý ortalyǵynyń mártebesin kúsheitý, onyń ishinde qyzmetkerlerdiń eńbekaqysyn arttyrý boiynsha jumys bastalǵanyn da aitty.
«Bul ortalyq múddeli organdarmen birlesip, sportshylardyń fiziologiialyq jai-kúiin, meditsinalyq turǵyda jan-jaqty qamtamasyz etilýin, jaraqattaný deńgeiin jáne t.b. eskere otyryp, olardyń oiyn nátijelerin taldaý negizinde joǵary jetistikter sportyn damytýmen ainalysatyn bolady», – dep atap ótti ministr.
Sondai-aq, sport dárigerleriniń eńbekaqysyn arttyrý, arnaiy mamandardy shaqyrý, zamanaýi jabdyqtardy satyp alý, sportshylardy tamaqtandyrý normalaryn bekitý, farmakologiialyq qamtamasyz etý tizbesin jańartý máselesi talqylandy.
Keńes qorytyndysy boiynsha Dáýren Abaev federatsiialarǵa olimpiadalyq tsiklge arnalǵan keshendi-maqsatty baǵdarlamany jáne dene shynyqtyrý-sport uiymdaryna sport túrleri boiynsha daiarlyq baǵdarlamasyn ázirlep, bekitýdi tapsyrdy.
