بٷگٸن مەدەنيەت جەنە سپورت مينيسترٸ دەۋرەن اباەۆ 2024 جىلى پاريجدە ٶتەتٸن وليمپياداعا دايىندىق مەسەلەلەرٸ جٶنٸندە كەڭەس ٶتكٸزدٸ. ٸس-شاراعا ۇلتتىق وليمپيادا كوميتەتٸ, سپورت فەدەراتسييالارىنىڭ باسشىلارى, جەنە مەملەكەتتٸك جاتتىقتىرۋشىلار قاتىستى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«وليمپيادا نەتيجەسٸ – كەسٸبي دايىندىعىمىزدىڭ كٶرسەتكٸشٸ بولماق. وعان فەدەراتسييا باسشىلارى, جاتتىقتىرۋشىلار, باپكەرلەر, تيٸستٸ سالا ماماندارى جەنە مەن – بارلىعىمىز جەكە-جەكە جاۋاپتىمىز», – دەدٸ دەۋرەن اباەۆ.
مينيستر سپورتشىلاردى دايارلاۋ جٷيەسٸندە تٷيٸتكٸلدٸ مەسەلەلەر بار ەكەنٸن ايتتى جەنە ولاردى شەشۋ ماقساتىندا اتقارىلىپ جاتقان جۇمىستارعا توقتالدى. مەسەلەن, ٷكٸمەت تاراپىنان سپورتتىق ينفراقۇرىلىمدى دامىتۋدىڭ جوسپار-كەستەسٸ ەزٸرلەندٸ. بيىل الماتى, اتىراۋ, قاراعاندى, قىزىلوردا, پاۆلودار جەنە سولتٷستٸك قازاقستان وبلىستارىندا 10 دەنە شىنىقتىرۋ-ساۋىقتىرۋ كەشەنٸن سالۋ جوسپارلانعان.
مەدەنيەت جەنە سپورت مينيسترٸ دەۋرەن اباەۆ ەلٸمٸزدەگٸ 25 جەڭٸل اتلەتيكالىق مانەجدٸڭ تەك بٸرنەشەۋٸ عانا جالپى تالاپتارعا ساي ەكەنٸن ايتتى. ال 367 جٷزۋ باسسەينٸنٸڭ تەك ەكەۋٸندە حالىقارالىق تالاپتاردى ەسكەرە وتىرىپ جارىستاردى ٶتكٸزۋگە بولادى.
مينيستر ۇلتتىق قۇراما كوماندالار مٷشەلەرٸن دايارلاۋدى قامتاماسىز ەتۋ مەسەلەلەرٸنە دە توقتالدى. شٸلدە ايىنان باستاپ رەسپۋبليكالىق سپورت كوللەدجٸ بازاسىندا كٷرەس تٷرلەرٸ بويىنشا جاتتىعۋ ورتالىعىنىڭ جۇمىسى پيلوتتىق رەجيمدە ٸسكە قوسىلسا, ك.احمەتوۆ اتىنداعى رەسپۋبليكالىق وليمپيادالىق رەزەرۆ مەكتەپ-ينتەرنات-كوللەدجٸ بازاسىندا دزيۋدو اكادەميياسى اشىلدى.
تاعى بٸر جاڭالىق – 2022 جىلعى 1 شٸلدەدەن باستاپ 2024 جىلعا دەيٸن سپورت تٶرەشٸلەرٸنٸڭ جۇمىسىنا اقى تٶلەۋ كەزەڭ-كەزەڭٸمەن 100%-عا ارتادى. سپورت سالاسىندا تٶرەشٸلەرگە اقى جارىستىڭ ەر كٷنٸ ٷشٸن تٶلەنەدٸ. بيىل اقى كٶلەمٸ 2600 تەڭگەدەن 8000 تەڭگەگە دەيٸن, ال 2023 جىلى – 13 مىڭ تەڭگەگە دەيٸن, 2024 جىلى – 17 مىڭ تەڭگەگە دەيٸن كٶبەيەتٸن بولادى.
بۇدان باسقا, 2022 جىلعى 1 شٸلدەدەن باستاپ وليمپيادا, پاراليمپيادا, سۋردليمپيادا چەمپيوندارى مەن جٷلدەگەرلەرٸ جەنە وليمپيادالىق سپورت تٷرلەرٸ بويىنشا ەلەم چەمپيوندارىن دايىنداعان جاتتىقتىرۋشىلارعا ٶمٸر بويى اي سايىنعى ماتەريالدىق قامتاماسىز ەتۋ مٶلشەرٸ 24 اەك-تەن 100 اەك-كە دەيٸن ۇلعايتىلدى. ياعني, ولار ەندٸ اي سايىن ورتاشا ەسەپپەن 73 مىڭ تەڭگە ەمەس, 318 مىڭ تەڭگە الىپ وتىراتىن بولادى.
سونداي-اق مينيستر دەۋرەن اباەۆ كادرلىق قامتاماسىز ەتۋ مەسەلەسٸنە ەرەكشە نازار اۋداردى.
«بٷگٸندە ەلٸمٸزدە 13 700 جاتتىقتىرۋشى جۇمىس ٸستەيدٸ. ولاردىڭ تەك 4% عانا جىل سايىن بٸلٸكتٸلٸكتٸ ارتتىرۋ كۋرستارىنان ٶتٸپ جٷر. كەيبٸر فەدەراتسييالار تٸپتٸ جاتتىقتىرۋشىلاردى اتتەستاتتاۋ بويىنشا جۇمىس جٷرگٸزبەيدٸ. سوندىقتان فەدەراتسييالار وسى باعىتتاعى جۇمىستى جانداندىرۋى قاجەت», – دەدٸ مينيستر.
ايتا كەتۋ كەرەك, وليمپيادادا سپورتشىلارىمىز سەتسٸز ٶنەر كٶرسەتكەننەن كەيٸن بيىل 28 جاتتىقتىرۋشى قىزمەتٸنەن بوساتىلدى.
مينيستردٸڭ ايتۋىنشا قازٸرگٸ ۋاقىتتا جاتتىقتىرۋشى-وقىتۋشىلاردىڭ ايلىعىن كٶتەرۋ جەنە اپتالىق ساعاتتىق جٷكتەمەسٸن 18 ساعاتقا دەيٸن تٶمەندەتۋ باعىتىندا جۇمىس جٷرگٸزٸلٸپ جاتىر.
وتاندىق سپورتتىڭ عىلىمي-مەديتسينالىق بازاسىن نىعايتۋ تۇرعىسىندا دەۋرەن اباەۆ رەسپۋبليكالىق تالداۋ ورتالىعىنىڭ مەرتەبەسٸن كٷشەيتۋ, ونىڭ ٸشٸندە قىزمەتكەرلەردٸڭ ەڭبەكاقىسىن ارتتىرۋ بويىنشا جۇمىس باستالعانىن دا ايتتى.
«بۇل ورتالىق مٷددەلٸ ورگاندارمەن بٸرلەسٸپ, سپورتشىلاردىڭ فيزيولوگييالىق جاي-كٷيٸن, مەديتسينالىق تۇرعىدا جان-جاقتى قامتاماسىز ەتٸلۋٸن, جاراقاتتانۋ دەڭگەيٸن جەنە ت.ب. ەسكەرە وتىرىپ, ولاردىڭ ويىن نەتيجەلەرٸن تالداۋ نەگٸزٸندە جوعارى جەتٸستٸكتەر سپورتىن دامىتۋمەن اينالىساتىن بولادى», – دەپ اتاپ ٶتتٸ مينيستر.
سونداي-اق, سپورت دەرٸگەرلەرٸنٸڭ ەڭبەكاقىسىن ارتتىرۋ, ارنايى مامانداردى شاقىرۋ, زاماناۋي جابدىقتاردى ساتىپ الۋ, سپورتشىلاردى تاماقتاندىرۋ نورمالارىن بەكٸتۋ, فارماكولوگييالىق قامتاماسىز ەتۋ تٸزبەسٸن جاڭارتۋ مەسەلەسٸ تالقىلاندى.
كەڭەس قورىتىندىسى بويىنشا دەۋرەن اباەۆ فەدەراتسييالارعا وليمپيادالىق تسيكلگە ارنالعان كەشەندٸ-ماقساتتى باعدارلامانى جەنە دەنە شىنىقتىرۋ-سپورت ۇيىمدارىنا سپورت تٷرلەرٸ بويىنشا دايارلىق باعدارلاماسىن ەزٸرلەپ, بەكٸتۋدٸ تاپسىردى.
