QR Aqparat jáne qoǵamdyq damý ministri Dáýren Abaev Almaty men Nur-Sultan kóshelerinde bolǵan mitingterdi qalypty jaǵdai dep atady, dep habarlaidy QazAqparat tilshisi.
«Habar arnasyndaǵy «Ashyq dialog» baǵdarlamasynda Dáýren Abaev eldegi sherýlerdi qalyptan tys erekshe jaǵdai dep qaramaýǵa shaqyrdy.
«Búgin ǵana bas prokýratýra men ishki ister ministrligi sailaý qarsańyndaǵy jaǵdailarǵa qatysty tolyq málimet berdi. Alaida men mynadai másele týraly aitqym keledi. Biz bárimiz sailaý degen qoǵamnyń barlyq qatparynyń saiasi belsendiligin kórsetetin katalizator ekenin túsinýimiz kerek. Prezidentti tańdaý arqyly adamdar óz bolashaǵyn tańdaidy. Sondyqtan da olar sailaý nátijesine bei-jai qarai almaidy. Osy energiia kóbinese daýys berý nátijesi jariialanǵannan keiin emotsiialar týǵyzyp, piketter men sherýge ulasyp jatady», - degen ministr mundai jaittar álemniń basqa da elderinde jii bolatynyn atady.
«Reseide de, Frantsiiada da, Túrkiiada da, AQSh-ta, Latyn Amerikasy elderinde de ondaǵan myń adam kóshege shyǵyp, politsiiamen qaqtyǵysyp jatady. Keibir elderde onyń sońy tipti qiratýlarǵa deiin jetedi. Sondyqtan, Nur-Sultan men Almaty kóshelerinde birneshe júz adamnyń qatysýymen bolǵan demonstratsiialardy qalyptan tys tosyn dúnie dep qarastyrmaý kerek. Bul - qalypty jaǵdai. Qorqatyndai eshteńe bolǵan joq», - dedi ol.
