Astanada qazaqtildi kontentti damytýǵa arnalǵan «QAZAQFORUM - 2018» konferentsiiasy bastaldy, dep xabarlaidy QazAqparat.
Is-sharany QR Aqparat jáne kommýnikatsiialar ministri Dáýren Abaev ashty. Onyń aitýynsha, qazaqtildi kontenttiń sany artyp keledi. Endigi maqsat - sol kontenttiń sapasyn kóterý. «Búginde qazaqtildi saittardyń sany da, salmaǵy da artyp keledi. Ýaqyt talabyna sai óz aýditoriiasyn qalyptastyrǵan básekege beiim portaldardyń qarasy kóbeiip jatyr. Osy qarqyn jalǵassa, memlekettik tilimizdiń mártebesi ósedi», - dedi D.Abaev.
Ministrdiń sózine qaraǵanda, búginde aqparattyq saittar arqyly memlekettiń saiasatyn xalyqqa jyldam jetkizýge múmkindik bar. Máselen, xalyq Elbasynyń «Bolashaqqa baǵdar: rýxani jańǵyrý», «Uly dalanyń jeti qyry» atty baǵdarlamalyq maqalalarynyń maǵynasyna tereńirek úńildi.
«Osyndai aýqymdy jumysty atqarǵandaryńyz úshin aqparat jáne kommýnikatsiialar ministrligi atynan sizderge alǵys aitamyz. Álem bir orynda turǵan joq. Internet túrli baǵyttar boiynsha jan-jaqty damyp jatyr. Sol sebepti aýditoriiaǵa qyzyqty kontent, oqyrmanǵa tartymdy portal qalyptastyrý - búgingi zaman talaby. Qazir qazaqtildi saittardyń óz baǵyty qalyptasyp keledi. Osy jait kóńilge qýanysh uialatady. Búginde naqty deregi bar qysqa da nusqa aqparat qundy. Osydan on jyl buryn biz qazaqtildi saittar bolsa eken dep oilatynbyz. Qazir ondai saittar bar. Sany da az emes. Endi, sol saittardyń sapasyn arttyrýymyz qajet», - dep atap kórsetti D. Abaev.
.jpeg)