«Habar» arnasyndaǵy «Ashyq dialog» baǵdarlamasynda Aqparat jáne qoǵamdyq damý ministri Dáýren Abaev Arys qalasyna jasaǵan sapardan alǵan áserimen bólisti, dep habarlaidy "Ult aqparat".
Ministr Arystaǵy apattyń aýqymy orasan zor ekenin óz kózimen kórgenin aitady.
«Úkimet basshysynyń Arysqa sapary erekshe qaýyrt boldy. Úkimettik delegatsiia quramynda men de sonda bolyp, jaǵdaidy kózben kórdim. Sol sapardyń nátijesinde Úkimet basshysynyń baqylaýymen apattan zardap shekken eldiń eńsesin kóterýge baǵyttalǵan kóptegen sharýalar qolǵa alynyp jatyr. Ondaǵy balalardyń jazdy jaily ótkizýi úshin búkil el aýmaǵyndaǵy lagerlerge joldaý tapsyryldy. Úkimet basshysy qaladaǵy gaz jáne sý, jylý qubyrlaryn jańǵyrtýdy júktedi. Jańalyqtardan ǵana baqylap otyrý men apat bolǵan qalaǵa tikelei baryp qaitýdy aiyrmashylyǵy jer men kóktei, árine», - dedi Dáýren Abaev.
Vedomstvo basshysy Arysty oq-dáriden tazartyp jatqan mamandardyń eńbegin erekshe atap ótti.
«Arystaǵy apat aýqymy óte úlken ekenin moiyndaý kerek. Turǵyndardyń nege narazylyq bildirgenin adam retinde túsinýge bolady. Meni bárinen de saperlerdiń eńbegi tańǵaldyrdy. Olar orazan zor jumys istep, óz mindetterin joǵary deńgeide atqaryp shyqty. Ár metr aýmaq zerttelip, kóptegen oq-dári tabylyp, zalalsyzdandyryldy. Olardyń óz ómirlerin báigege tikken qaýipti qyzmetine Arys turǵyndary endi júginbeidi dep oilaimyn, - dedi ol «Ashyq dialog» baǵdarlamasynda.
