«حابار» ارناسىنداعى «اشىق ديالوگ» باعدارلاماسىندا اقپارات جەنە قوعامدىق دامۋ مينيسترٸ دەۋرەن اباەۆ ارىس قالاسىنا جاساعان ساپاردان العان ەسەرٸمەن بٶلٸستٸ, دەپ حابارلايدى "ۇلت اقپارات".
مينيستر ارىستاعى اپاتتىڭ اۋقىمى وراسان زور ەكەنٸن ٶز كٶزٸمەن كٶرگەنٸن ايتادى.
«ٷكٸمەت باسشىسىنىڭ ارىسقا ساپارى ەرەكشە قاۋىرت بولدى. ٷكٸمەتتٸك دەلەگاتسييا قۇرامىندا مەن دە سوندا بولىپ, جاعدايدى كٶزبەن كٶردٸم. سول ساپاردىڭ نەتيجەسٸندە ٷكٸمەت باسشىسىنىڭ باقىلاۋىمەن اپاتتان زارداپ شەككەن ەلدٸڭ ەڭسەسٸن كٶتەرۋگە باعىتتالعان كٶپتەگەن شارۋالار قولعا الىنىپ جاتىر. ونداعى بالالاردىڭ جازدى جايلى ٶتكٸزۋٸ ٷشٸن بٷكٸل ەل اۋماعىنداعى لاگەرلەرگە جولداۋ تاپسىرىلدى. ٷكٸمەت باسشىسى قالاداعى گاز جەنە سۋ, جىلۋ قۇبىرلارىن جاڭعىرتۋدى جٷكتەدٸ. جاڭالىقتاردان عانا باقىلاپ وتىرۋ مەن اپات بولعان قالاعا تٸكەلەي بارىپ قايتۋدى ايىرماشىلىعى جەر مەن كٶكتەي, ەرينە», - دەدٸ دەۋرەن اباەۆ.
ۆەدومستۆو باسشىسى ارىستى وق-دەرٸدەن تازارتىپ جاتقان مامانداردىڭ ەڭبەگٸن ەرەكشە اتاپ ٶتتٸ.
«ارىستاعى اپات اۋقىمى ٶتە ٷلكەن ەكەنٸن مويىنداۋ كەرەك. تۇرعىنداردىڭ نەگە نارازىلىق بٸلدٸرگەنٸن ادام رەتٸندە تٷسٸنۋگە بولادى. مەنٸ بەرٸنەن دە ساپەرلەردٸڭ ەڭبەگٸ تاڭعالدىردى. ولار ورازان زور جۇمىس ٸستەپ, ٶز مٸندەتتەرٸن جوعارى دەڭگەيدە اتقارىپ شىقتى. ەر مەتر اۋماق زەرتتەلٸپ, كٶپتەگەن وق-دەرٸ تابىلىپ, زالالسىزداندىرىلدى. ولاردىڭ ٶز ٶمٸرلەرٸن بەيگەگە تٸككەن قاۋٸپتٸ قىزمەتٸنە ارىس تۇرعىندارى ەندٸ جٷگٸنبەيدٸ دەپ ويلايمىن, - دەدٸ ول «اشىق ديالوگ» باعدارلاماسىندا.
