Biyl elordada sporttyq-meditsinalyq ortalyq ashylmaq. Bul týraly Nur-Sultan qalasy dene shynyqtyrý jáne sport basqarmasy basshysynyń orynbasary Almas Abaev málim etti, dep habarlaidy QazAqparat.
«Biyl elordada sporttyq-meditsinalyq ortalyq ashamyz. Búginde ǵimarat taýyp, ony jóndeýden ótkizip jatyrmyz. Búginde ortalyqqa qajetti qural-jabdyq satyp alyndy. Atalǵan mekemeniń kommýnaldyq tólemderi úshin 30 mln teńge kerek. Sonymen qatar qaladaǵy «Dáýlet» sport kesheni de jóndeýdi talap etedi. Aǵymdyq jóndeýge 70 mln teńge qajet. Osy somanyń ishine tennis zaldaryn jetildirý de kiredi. Ata-analardan balalar sportyna nege mán berilmeidi jáne sport mektepteri nege az degen suraq jii túsip jatady. Osy máseleni sheshý maqsatynda memlekettik tapsyrysty arttyrmaqpyz», - dedi Almas Abaev qalalyq máslihattyń turaqty komissiiasynyń otyrysynda.
Sondai-aq, basqarma ókili balalar men jasóspirimder arasynda sportty damytýda zaldar men tiisti qural-jabdyqtyń jetispeitindigin moiyndap otyr.
«Qalamen qatar elorda irgesindegi turǵyn úi alqaptaryn da umytpaý kerek. Osy oraida Kóktalda sport sektsiialaryn ashtyq, búginde jattyǵý bastalyp ketti. Odan bólek, Óndiris turǵyn úi alqabynda da sporttyq sektsiialar ashý máselesi qaralyp jatyr», - deidi ol.
