Foto: «AMANAT» partiiasy baspasóz qyzmetinen
Dáýlet Káribek Jambyl oblysy ákiminiń orynbasary bolyp taǵaiyndaldy, - dep habarlaidy "Ult aqparat" óńir ákimdigi saityna silteme jasap.
"Prezident Ákimshiliginiń kelisimimen Jambyl oblysy ákiminiń ókimimen Káribek Dáýlet Jamaýbaiuly Jambyl oblysy ákiminiń orynbasary bolyp taǵaiyndaldy", - delingen habarlamada.
Káribek Dáýlet Jamaýbaiuly 1990 jyly Jambyl oblysy Sarysý aýdanynda dúniege kelgen.
Jambyl oblystyq daryndy balalarǵa arnalǵan "Daryn" mektep-internatyn, Gýmilev atyndaǵy Eýraziia ulttyq ýniversitetin "Saiasattaný" mamandyǵy boiynsha bitirgen. 2012 jyly bakalavr dárejesin, 2014 jyly magistr dárejesin, 2018 jyly PhD dárejesin alǵan.
Eńbek jolyn Astana qalasy Almaty aýdany Jas Otan jastar qanaty tóraǵasynyń birinshi orynbasary bolyp bastaǵan. Qazaqstan Respýblikasynyń Prezidenti Qasym-Jomart Toqaevtyń sailaýaldy shtabynyń Team Qazaqstan jastar qanatyn basqardy.
Nur-Sultan qalasy ákimdiginiń jastar saiasaty máseleleri basqarmasynyń basshysy bolyp jumys istegen.
2021 jyldyń qańtarynan beri Nur-Sultan qalasyndaǵy Nur Otan partiiasy bólimshesi tóraǵasynyń birinshi orynbasary qyzmetin atqardy.
Prezidenttik jastar kadr rezervinde turady, Nur Otan partiiasy Saiasi keńesi Biýrosynyń múshesi.
