Aqparat jáne qoǵamdyq damý ministri Aida Balaeva daýlardy sottan tys jáne sotqa deiin sheshý institýttaryn damytý mańyzdy ekenin málim etti, dep habarlaidy "Ult aqparat".
Qazaqstandyq qoǵamda daýlardy negizinen sot arqyly retteý keń taralǵanyn taldaý nátijeleri kórsetip otyr. Bul azamattar men sottar úshin úlken máselege ainalýda, taraptar ýaqyty men qarajatyn joǵaltyp, sot júiesin aýyrlatady.
«Birinshiden kóp ýaqyt alady, qarjylyq shyǵyn keledi, sot júiesine shamadan tys júkteme jasaidy. 2019 jyly qaralǵan 2 mln 600 istiń tek 42 myńǵa jýyǵy mediatsiia tártibimen rettelgen. Osyǵan bailanysty Memleket basshysy óz Joldaýynda aitqandai «sottan tys» jáne «sotqa deiingi» daýlardy retteý institýttaryn damytý qajet. Bul óz kezeginde azamattar arasynda janjaldy ýshyqtyrmai, júike tozdyrmai, ýaqyt pen qarjyny shyǵyndamai jyldam sheshýge múmkindik beredi»,- dedi Aida Balaeva OKQ-da ótken baspasóz máslihatynda.
Aqparat jáne qoǵamdyq damý ministrligi mediatsiia máselesinde AQSh, Ulybritaniia, Germaniia, Shveitsariia siiaqty aldyńǵy qatarly elderdiń úzdik tájiribelerin negizge almaq.
