اقپارات جەنە قوعامدىق دامۋ مينيسترٸ ايدا بالاەۆا داۋلاردى سوتتان تىس جەنە سوتقا دەيٸن شەشۋ ينستيتۋتتارىن دامىتۋ ماڭىزدى ەكەنٸن مەلٸم ەتتٸ, دەپ حابارلايدى "ۇلت اقپارات".
قازاقستاندىق قوعامدا داۋلاردى نەگٸزٸنەن سوت ارقىلى رەتتەۋ كەڭ تارالعانىن تالداۋ نەتيجەلەرٸ كٶرسەتٸپ وتىر. بۇل ازاماتتار مەن سوتتار ٷشٸن ٷلكەن مەسەلەگە اينالۋدا, تاراپتار ۋاقىتى مەن قاراجاتىن جوعالتىپ, سوت جٷيەسٸن اۋىرلاتادى.
«بٸرٸنشٸدەن كٶپ ۋاقىت الادى, قارجىلىق شىعىن كەلەدٸ, سوت جٷيەسٸنە شامادان تىس جٷكتەمە جاسايدى. 2019 جىلى قارالعان 2 ملن 600 ٸستٸڭ تەك 42 مىڭعا جۋىعى مەدياتسييا تەرتٸبٸمەن رەتتەلگەن. وسىعان بايلانىستى مەملەكەت باسشىسى ٶز جولداۋىندا ايتقانداي «سوتتان تىس» جەنە «سوتقا دەيٸنگٸ» داۋلاردى رەتتەۋ ينستيتۋتتارىن دامىتۋ قاجەت. بۇل ٶز كەزەگٸندە ازاماتتار اراسىندا جانجالدى ۋشىقتىرماي, جٷيكە توزدىرماي, ۋاقىت پەن قارجىنى شىعىنداماي جىلدام شەشۋگە مٷمكٸندٸك بەرەدٸ»,- دەدٸ ايدا بالاەۆا وكق-دا ٶتكەن باسپاسٶز مەسليحاتىندا.
اقپارات جەنە قوعامدىق دامۋ مينيسترلٸگٸ مەدياتسييا مەسەلەسٸندە اقش, ۇلىبريتانييا, گەرمانييا, شۆەيتسارييا سيياقتى الدىڭعى قاتارلى ەلدەردٸڭ ٷزدٸك تەجٸريبەلەرٸن نەگٸزگە الماق.
