Jańa oqý jylynda birinshi toqsannan keiin dástúrli oqý rejimine kóshken jaǵdaida mektepte eshkim ata-anadan balasyna mektep formasyn alý týraly talap qoimaidy, - dep habarlaidy «Ult aqparat».
Bul týraly Ortalyq kommýnikatsiialar qyzmetinde ótken onlain-brifingte QR Bilim jáne ǵylym ministri Ashat Aimaǵambetov aitty.
«Mektep formasy - ózekti máselelerdiń biri. QR Bilim jáne ǵylym ministrligi buiryǵyna mektep formasyna qatysty ózgeris engizdik. Birinshiden, mektep formasy túbegeili joiylǵan joq, biz oǵan qatysty «tótenshe jaǵdai kezinde nemese basqa da shekteýli sharalarda bilim berý uiymdaryna ministrlik bekitken mektep formasymen kelmeýge bolady» degen qosymsha ereje engizdik», - deidi Bilim jáne ǵylym ministri Ashat Aimaǵambetov.
Onyń aitýynsha, jańa oqý jylynda birinshi toqsannan keiin dástúrli oqý rejimine kóshken jaǵdaida mektepte eshkim ata-anadan balasyna mektep formasyn alý týraly talap qoimaidy.
«Tájiribe kórsetkendei, bul sheshimniń de negizi bar. Biznestiń osy túrimen ainalysatyn iri kompaniialardy túsinem. Olardyń mundai qiyn kezeńde jańa oqý jylyna daiyndalǵan kompaniialardy qoldaý kerektigi týraly úndeýin estidim jáne oqydym, biraq biz 3,5 mln oqýshy sabaqqa baratynyn eskerýimiz kerek. Ekonomikalyq jáne qazirgi jaǵdaidy eskerip, mektep formasyna da qatysty qajetti jaǵdai jasaý kerektigi týraly sheshim qabyldadyq. Mektep formalary barlar ol formany kiip júre alady, al mektep formasy joqtarǵa osyndai jaǵdai jasadyq», - deidi ol.
