Qazaqstanda tolyqqandy oqý úderisi úshin qajetti barlyq fýnktsiialary bar biryńǵai onlain bilim berý platformasy ázirlenedi. Memleket basshysy Qasym-Jomart Toqaev oqýshylar men stýdentterdiń onlain formatqa kóshýine bailanysty qiyndyqtaryń bar ekenin, sol sebepti biryńǵai platforma ázirleýdi tapsyrdy. Sebebi qashyqtan oqý bilim júiesin túbegeili ózgertip otyr, - dep habarlaidy «Ult aqparat».
Memleket basshysynyń aitýynsha, onlain oqýǵa bailanysty muǵalimder, oqýshylar jáne ata-analar kúndiz-túni "WhatsApp-tan" bas kótermeidi. Qashyqtan oqý barysynda da úkimet birqatar qatelik jiberdi.
Sonymen qatar prezident Qazaqstan halqyna joldaý kezinde sapaly bilim alý úshin oqýshynyń mektep baryp oqýy mańyzdy ekenin, muǵalim men synystarymen aralasýy asa qajet ekenin aityp, úkimetke dástúrli oqý formatyna daiyndalýdy tapsyrdy. Bul sheshim el mektepteri úshin mańyzdy bolyp otyr.
Sonymen qatar prezident mektep muǵalimderiniń jalaqysyn ósirý máselesine toqtaldy. Osylaisha, 2021 jyldyń qańtar aiynan bastap muǵalimderdiń eńbekaqysyn 25 paiyzǵa kóbeiedi. Sonymen qatar aldaǵy ýaqytta da jalaqy mólsheri artyp otyrady. Buǵan úsh jylǵa qosymsha 1,2 trillion teńge bólinedi.
«Biz mektepke túskenge deiin balanyń jan-jaqty damýy máselesin sheshýimiz kerek. 2025 jylǵa qarai 6 jasqa deiingi balalardy mektepke deiingi tárbiemen jáne oqytýmen 100 paiyz qamtýdy qamtamasyz etý mindetin qoiamyn», - dedi memleket basshysy.
Sondai-aq, bul máseleni tek memlekettik balabaqshalar shepeitinin, bul salaǵa jeke biznesti tartýdy tapsyrdy. Sonymen qatar endi ata-analar vaýcherdiń kómegimen kez-kelgen balabaqshany nemese mektepti tańdap, sol jerde memleketten tólem jasai alady.
Memleket basshysynyń aitýynsha, memleket "dástúrli" mektepterdi qoldaityn bolady. Bul sonymen qatar qala men aýyl arasyndaǵy bilim berý salasyndaǵy alshaqtyqty joiýǵa kómektesedi. Azamattardyń saýattylyq deńgeiin, olardyń tsifrlyq bilimin arttyrý maqsatynda úkimetke úzdiksiz bilim berý tujyrymdamasyn ázirleýdi tapsyrdy.
«Biz sondai-aq kásiptik bilim berýdiń búkil júiesin eńbek naryǵynda suranysqa ie quzyretterdi qalyptastyrýǵa qaita baǵdarlaýymyz kerek», - dedi Qasym-Jomart Toqaev.
Sonymen qatar kásipkerlikke mektep qabyrǵasynan bastap daiyndaý jumystary júrgizilýi kerek. Ol úshin "kásipkerlik negizderi" páni bilim berýdiń barlyq deńgeilerinde – mektepterden joǵary oqý oryndaryna deiin oqytylýy tiis.
Prezidenttiń aitýynsha, jas urpaqty sport, shyǵarmashylyqqa baýlýǵa úlken mańyz bergen durys. Osy maqsatta ekonomikalyq jaǵdarys kezinde, qarjy tapshylyǵy jaǵdaiynda kásibi sport klýbtaryn tolyǵymen memleket esebinen ustap otyrýdyń esh maǵynasy joq. Memleket pen kvazimemlekettik kompaniialardyń biýdjetinen milliardtaǵan teńge tiimsiz jumsalyp jatyr, dep tolyqtyrdy memleket basshysy.
Sonymen qatar sport, dene shynyqtyrý salasynda balalardyń úlesine basymdyq beriletin bolady. Ár oblys, iri aýdan ortalyqtarynda sport sektsiialary ashylady.
Bul – balalar men jasóspirimderdiń energiiasyn durys baǵytqa burý úshin jasalyp otyr. Sonymen qatar oblys jáne aýdan ákimderiniń jumysy sol aimaqtaǵy balalardyń sportqa bet burýymen baǵalanatyn bolady.
