Aýyl» halyqtyq-demokratiialyq patriottyq partiiasy men «Mádeniet portaly» birlesip «Aýylym – altyn tuǵyrym» dástúrli ádebi onlain konkýrsyn jariialaidy.
Konkýrsqa qatysý úshin jasy 17 men 45 jas aralyǵyndaǵy qalamgerler óz shyǵarmalaryn usyna alady. Sonymen qatar «AÝYL taqyrybyna arnalǵan úzdik dramatýrgiia» atalymyna shyǵarma usynatyn qalamgerlerdiń jas mólsherine shekteý qoiylmaidy.
Ádebi baiqaýǵa qatysqysy keletin kez kelgen qalamger óz shyǵarmasyn «Mádeniet portalyna» onlain túrde óz qolymen tirkeý múmkindigi qarastyrylǵan. Ol úshin úmitkerler «Mádeniet portalyna» tirkelip, konkýrsqa usynylǵan shyǵarmalary men jeke málimetterin portalda kórsetilgen «Shyǵarmany qosý» batyrmasy arqyly ornalastyra alady. Avtordar óz shyǵarmalar onlain túrde 2021 jyldyń 01 qarashasyna deiin jiberilýi tiis.
Buǵan deiingi dástúrli túrde ótken «Aýylym –altyn tuǵyrym» konkýrstarynan ereksheligi, 2021 jylǵy baiqaýǵa orys tilinde jazylǵan shyǵarmalar da qabyldanady. Bir aita kelerlik jait, barlyq shyǵarmalar buǵan deiin basqa konkýrstarǵa usynylmaǵan bolýy shart.
Táýelsizdiktiń 30 jyldyǵyna orai «ALTYN TUǴYR» ádebi júldesiniń iegerine qosymsha 200 000 teńge kóleminde aqshalai syilyq beriledi. Konkýrsqa qatysqan shyǵarmalar kitap bolyp shyǵarylady. Konkýrstyń basqa da sharttaryn «Mádeniet portalyndaǵy» Erejesinen oqyp alýǵa bolady
Konkýrsqa shyǵarmalardy qabyldaý 2021 jyldyń 1 qarashasyna deiin júrgiziledi. Jeńimpazdardy marapattaý 2021 jyly jeltoqsan aiynda táýelsizdik kúni qarsańynda ótkiziledi. Saltanatty sharanyń naqty ýaqyty men ótkiziletin orny qosymsha habarlanady.
