اۋىل» حالىقتىق-دەموكراتييالىق پاتريوتتىق پارتيياسى مەن «مەدەنيەت پورتالى» بٸرلەسٸپ «اۋىلىم – التىن تۇعىرىم» دەستٷرلٸ ەدەبي ونلاين كونكۋرسىن جارييالايدى.
كونكۋرسقا قاتىسۋ ٷشٸن جاسى 17 مەن 45 جاس ارالىعىنداعى قالامگەرلەر ٶز شىعارمالارىن ۇسىنا الادى. سونىمەن قاتار «اۋىل تاقىرىبىنا ارنالعان ٷزدٸك دراماتۋرگييا» اتالىمىنا شىعارما ۇسىناتىن قالامگەرلەردٸڭ جاس مٶلشەرٸنە شەكتەۋ قويىلمايدى.
ەدەبي بايقاۋعا قاتىسقىسى كەلەتٸن كەز كەلگەن قالامگەر ٶز شىعارماسىن «مەدەنيەت پورتالىنا» ونلاين تٷردە ٶز قولىمەن تٸركەۋ مٷمكٸندٸگٸ قاراستىرىلعان. ول ٷشٸن ٷمٸتكەرلەر «مەدەنيەت پورتالىنا» تٸركەلٸپ, كونكۋرسقا ۇسىنىلعان شىعارمالارى مەن جەكە مەلٸمەتتەرٸن پورتالدا كٶرسەتٸلگەن «شىعارمانى قوسۋ» باتىرماسى ارقىلى ورنالاستىرا الادى. اۆتوردار ٶز شىعارمالار ونلاين تٷردە 2021 جىلدىڭ 01 قاراشاسىنا دەيٸن جٸبەرٸلۋٸ تيٸس.
بۇعان دەيٸنگٸ دەستٷرلٸ تٷردە ٶتكەن «اۋىلىم –التىن تۇعىرىم» كونكۋرستارىنان ەرەكشەلٸگٸ, 2021 جىلعى بايقاۋعا ورىس تٸلٸندە جازىلعان شىعارمالار دا قابىلدانادى. بٸر ايتا كەلەرلٸك جايت, بارلىق شىعارمالار بۇعان دەيٸن باسقا كونكۋرستارعا ۇسىنىلماعان بولۋى شارت.
تەۋەلسٸزدٸكتٸڭ 30 جىلدىعىنا وراي «التىن تۇعىر» ەدەبي جٷلدەسٸنٸڭ يەگەرٸنە قوسىمشا 200 000 تەڭگە كٶلەمٸندە اقشالاي سىيلىق بەرٸلەدٸ. كونكۋرسقا قاتىسقان شىعارمالار كٸتاپ بولىپ شىعارىلادى. كونكۋرستىڭ باسقا دا شارتتارىن «مەدەنيەت پورتالىنداعى» ەرەجەسٸنەن وقىپ الۋعا بولادى
كونكۋرسقا شىعارمالاردى قابىلداۋ 2021 جىلدىڭ 1 قاراشاسىنا دەيٸن جٷرگٸزٸلەدٸ. جەڭٸمپازداردى ماراپاتتاۋ 2021 جىلى جەلتوقسان ايىندا تەۋەلسٸزدٸك كٷنٸ قارساڭىندا ٶتكٸزٸلەدٸ. سالتاناتتى شارانىڭ ناقتى ۋاقىتى مەن ٶتكٸزٸلەتٸن ورنى قوسىمشا حابارلانادى.
