Almatylyq «Qairat» klýby shabýylshy Dastan Sátpaevty saltanatty túrde shyǵaryp saldy, dep habarlaidy ult.kz.
«Qyzyljarǵa» qarsy match aldynda klýb jas fýtbolshyǵa arnap arnaiy qoshtasý rásimin uiymdastyrdy. Kezdesý aldynda «Qairat» klýbynyń baqylaý keńesiniń tóraǵasy Qairat Boranbaev oiynshyǵa onyń klýb sapyndaǵy oiyndarynyń sany beinelengen №58 estelik jeidesin tabystady. Sonymen qatar, alańda fýtbolshynyń esimi jazylǵan úlken banner kórsetildi.
Dastan Sátpaev «Qairattyń» negizgi quramynda 58 match ótkizip, 24 gol soǵyp, 10 nátijeli pas bergen. Onyń jarqyn oiyny Eýropa klýbtarynyń nazaryn aýdaryp, nátijesinde Londonnyń Chelsea FC klýby qazaqstandyq shabýylshyny 4 million eýroǵa satyp aldy.
«Qyzyljarǵa» qarsy ótken oiyn Sátpaev úshin «Qairat» sapyndaǵy sońǵy match boldy. Endi jas fýtbolshy mansabyn Angliiada jalǵastyrady. Qazaqstandyq jankúierler onyń Eýropadaǵy ónerine sáttilik tilep, úlken úmit artyp otyr.
