الماتىلىق «قايرات» كلۋبى شابۋىلشى داستان سەتپاەۆتى سالتاناتتى تٷردە شىعارىپ سالدى, دەپ حابارلايدى ult.kz.
«قىزىلجارعا» قارسى ماتچ الدىندا كلۋب جاس فۋتبولشىعا ارناپ ارنايى قوشتاسۋ رەسٸمٸن ۇيىمداستىردى. كەزدەسۋ الدىندا «قايرات» كلۋبىنىڭ باقىلاۋ كەڭەسٸنٸڭ تٶراعاسى قايرات بورانباەۆ ويىنشىعا ونىڭ كلۋب ساپىنداعى ويىندارىنىڭ سانى بەينەلەنگەن №58 ەستەلٸك جەيدەسٸن تابىستادى. سونىمەن قاتار, الاڭدا فۋتبولشىنىڭ ەسٸمٸ جازىلعان ٷلكەن باننەر كٶرسەتٸلدٸ.
داستان سەتپاەۆ «قايراتتىڭ» نەگٸزگٸ قۇرامىندا 58 ماتچ ٶتكٸزٸپ, 24 گول سوعىپ, 10 نەتيجەلٸ پاس بەرگەن. ونىڭ جارقىن ويىنى ەۋروپا كلۋبتارىنىڭ نازارىن اۋدارىپ, نەتيجەسٸندە لوندوننىڭ Chelsea FC كلۋبى قازاقستاندىق شابۋىلشىنى 4 ميلليون ەۋروعا ساتىپ الدى.
«قىزىلجارعا» قارسى ٶتكەن ويىن سەتپاەۆ ٷشٸن «قايرات» ساپىنداعى سوڭعى ماتچ بولدى. ەندٸ جاس فۋتبولشى مانسابىن انگلييادا جالعاستىرادى. قازاقستاندىق جانكٷيەرلەر ونىڭ ەۋروپاداعى ٶنەرٸنە سەتتٸلٸك تٸلەپ, ٷلكەن ٷمٸت ارتىپ وتىر.
