Túrkistan oblysynyń ákimi Darhan Satybaldynyń tóraǵalyǵymen ótken májilis otyrysynda ádep kodeksiniń normalaryn saqtaý, memlekettik qyzmetterdiń sapasy jáne sybailas jemqorlyq máseleleri talqylandy, dep habarlaidy «Ult aqparat» oblys ákimdiginiń baspasóz qyzmetine silteme jasap.
Oblystaǵy memlekettik qyzmettiń jaǵdaiyna jasalǵan taldaýdyń qorytyndysy memlekettik qyzmettegi turaqtylyqty kórsetken. Otyrysta memlekettik organdardyń «E-qyzmet» júiesin tiimdi paidalanýy jaily aityldy. Elektrondy túrde qyzmet usynýdyń kórsetkishi 96 %-ǵa jetken. Oblysta sybailas jemqorlyqpen kúres baǵytynda memlekettik qyzmetterdi tsifrlandyrýǵa kúsh salynǵan. Sondai-aq Ádep kodeksine sáikes memlekettik múlikti tek nysanaly maqsatta paidalanylýy eskertildi. Memlekettik qyzmet salasyndaǵy zańnamanyń saqtalýy men memlekettik qyzmet kórsetýdiń sapasyna baqylaý júrgizý jáne taldamalyq jumystar aldaǵy ýaqytta da jalǵasyn tappaq.
Oblysta «Sybailas jemqorlyq táýekelder» kartasy ázirlenip, onda bilim berý, turǵyn úi, aýyl sharýashylyǵy jáne jer qatynastary, áleýmettik qoldaý jáne meditsina salalary engizilgen. QR Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmet) Túrkistan oblysy boiynsha departamentiniń Preventsiia basqarmasynyń basshysy Erjan Júnisov óz baiandamasynda árbir memlekettik organ basshysy óz ujymynda sybailas jemqorlyqtyń aldyn - alý baǵytynda turaqty túrde túrli sharalardy qabyldap otyrýy mindetti ekenin atap ótti. Sondyqtan paraqorlyq pen jasyryn korrýptsiia shemalarynyń tamyryn túbinen shabatyn pármendi sharalardy qoldaný kerektigin aitty.
«Jemqorlyq táýekelderin árbir mekeme ózderi ishki taldaý jasaý arqyly, eshbir qiyndyqsyz anyqtai alady. Mundai tásil aldyn-ala jumys isteý arqyly, tiimdi áreket etýge baǵyttaidy. Jemqorlyqqa qarsy kúrestiń jáne basshylardyń tiimdiligin osy jumys prizmasy arqyly baǵalaý artyp kele jatyr», – dedi ol.
Memlekettik qyzmetshilerdiń qyzmette jáne qyzmetten tys ýaqyttaǵy negizgi minez-qulyq qaǵidalary Ádep kodeksinde aiqyndalǵan. Basqosýda memlekettik qyzmetshilerdiń negizgi minez-qulyq standarttarynyń aiqyndalýy, iaǵni adamgershilik, moral syndy adami qasietter jemqorlyqqa qarsy is qimyl máselesinde de mańyzdy faktor bola alatyny aityldy. Ádep normalarynyń saqtalýyn qamtamasyz etý maqsatynda ádep jónindegi ýákil memlekettik qyzmetshiler arasynda túsindirme jumystaryn júrgizip turady. Jumys nátijesin oblys ákimi apparatynyń Ádep jónindegi ýákili Maqsat Isaev baiandady. Memlekettik qyzmetshilerdiń Ádep kodeksin buzýshylyqtardyń profilaktikasyn qamtamasyz etý baǵytyndaǵy jumystar turaqty jalǵasyn tabatyn bolady.
Jiyndy qorytyndylaǵan oblys ákimi sybailas jemqorlyqqa jol ashatyn jaǵdailarǵa sapaly taldaý jasaýdy tapsyrdy. Oryn alǵan jaitpen emes, qylmysty boldyrmaýdyń joldaryn taýyp, osy baǵyttaǵy jumysty kúsheitýdi júktedi.
«Memlekettik apparatty jańǵyrtyp, biýrokratiiadan barynsha aryltý úshin júieli jumystardy jalǵastyrýymyz qajet. Biz qoǵamnyń barlyq ókilderiniń talap-tilekterine jaýap beretin ozyq memleketti qurý jolyndamyz. Osyǵan orai, basqarý júiesiniń tiimdiligi jumystyń barysymen emes, túpki nátijemen ólshenetin bolady. Sybailas jemqorlyqqa qarsy ymyrasyz kúresý – bizdiń negizgi basymdyqtarymyzdyń biri. Naǵyz quqyqtyq memleket qurý úshin eń aldymen, jemqorlyqtyń tamyryna balta shabý kerek. Bul baǵytta jemqorlyqty júieli negizde joiý jóninde jospar ázirleýdi tapsyramyn», – dedi oblys ákimi Darhan Satybaldy.
