Foto: © OKQ
Túrkistan oblysynyń ákimi Darhan Satybaldy jaldamaly páterdiń sýbsidiiasyn zańsyz alǵan azamattardyń qýlyǵyn jaiyp saldy, dep habarlaidy Sputnik Qazaqstan.
Buǵan deiin oblys turǵyndary buqaralyq aqparat quraldaryna shaǵymdanyp, jaldamaly páter aqysy berilmei jatqanyn málimdegen edi. Sýbsidiiany úkimet Otbasy bank arqyly aýdaryp otyrdy. Baǵdarlama boiynsha baspana kezeginde turǵan azamattar jalǵa alynǵan páter aqysynyń jartysyn ǵana tóleidi. Jartysy memleket tarapynan óteledi.
Oblys ákimi Darhan Satybaldynyń aitýynsha, jyl basynda osy baǵdarlamaǵa 1 mlrd teńge bólingen. Biraq artynan ótinish az bolǵasyn 700 mln teńgesin qysqartyp tastaǵan. Odan keiin ótinish sany kúrt kóbeiip ketipti.
"Bir qaraǵanda adam bolmady, sosyn bir mezette myńdaǵan adam tirkeldi. Al biz qarjyny qysqartyp tastadyq. Sodan qarajat jetispeýshiligi boldy. Biz ótinish bergen adamdardy zerdeledik. Sóitsek, sýbsidiia alyp otyrǵan 3,5 myń adamnyń ishinde 1 800 adam kórshiniń nemese týysynyń páterin kórsetken. Biz olardyń bárin quzyrly organdarǵa berip, zańsyz alynǵan sýbsidiiany qaitaryp jatyrmyz", - dedi Satybaldy.
Onyń aitýynsha, balabaqshalarda týra sondai jaǵdai bolǵan. Olar 50 bala kelse de, 100 balaǵa aqsha surap otyrǵan.
"Artsportta" da sondai jaǵdai boldy. Monitoring toptaryn quryp, árbir úidi tekserip jatyrmyz. Mysaly, aýyldy jerde jaldaý aqysy qansha? 20-50 myń teńgege tapsyrylady. Al olar 100 myń dep rásimdep alǵan. Biýdjet qarjysyn talan-tarajǵa sala almaimyz. Monitoringten keiin ǵana bul baǵdarlamany ary qarai jalǵastyramyz", - dep túiindedi Satybaldy.
