Foto: Gov.kz
Almaty qalasynyń Mádeniet basqarmasyna jańa basshy taǵaiyndaldy. Bul qyzmetke Daniiar Áliev keldi, dep habarlaidy Ult.kz qala ákimdiginiń baspasóz qyzmetine silteme jasap.
«Almaty qalasynyń ákimi Darhan Satybaldynyń ókimimen Mádeniet basqarmasynyń basshysy bolyp Daniiar Áliev taǵaiyndaldy», – delingen habarlamada.
Aita keteiik, buǵan deiin bul qyzmetti Ǵani Mailybaev atqarǵan. Ol 2025 jyldyń 3 qazanynda Almaty oblysy ákiminiń orynbasary bolyp taǵaiyndaldy.
Daniiar Áliev týraly qysqasha málimet
Daniiar Áliev Abai atyndaǵy Qazaq ulttyq pedagogikalyq ýniversitetin «tarih» mamandyǵy boiynsha, sondai-aq «Almaty» ýniversitetin «quqyqtaný» mamandyǵy boiynsha támamdaǵan. Gýmanitarlyq ǵylymdar magistri.
Eńbek jolynda:
-
QR Ortalyq memlekettik muraǵatynyń jáne Almaty qalasy tarihy mýzeiiniń bólim meńgerýshisi,
-
Almaty qalasynyń Mádeniet basqarmasy basshysynyń orynbasary,
-
QR Mádeniet jáne sport ministrligi Mádeniet komiteti tóraǵasynyń orynbasary qyzmetterin atqarǵan.
Taǵaiyndalǵanǵa deiin Almaty oblysynyń Mádeniet, arhivter jáne qujattama basqarmasyn basqardy.
Almatydaǵy kadrlyq ózgerister
Almaty qalasynyń jańa ákimi Darhan Satybaldy qyzmetine kiriskennen keiin qala ákimdiginde birqatar kadrlyq aýys-túiister boldy.
-
7 tamyzda Almaty ákiminiń orynbasary qyzmetinen Ásem Nusýpova,
-
14 tamyzda Asqar Ámirin ketti.
-
18 tamyzda Almaty qalasy ákiminiń orynbasary bolyp Almashan Smatlaev taǵaiyndaldy.
