Biyl Túrkistan oblysy boiynsha 88 myńnan astam adamdy úsh baǵytta jumyspen qamtý sharalary júzege asýda. Atap aitqanda, «2021-2025 jyldarǵa arnalǵan kásipkerlikti damytý jónindegi ulttyq jobasy» sheńberinde 70 myńnan astam adamdy jumyspen qamtý sharalaryna joldanyp, Ulttyq jobalar aiasynda jańadan ashylatyn jumys oryndaryna 7 myńnan astam adamdy eńbekpen qamtylady. Sonymen birge «10 myń turǵynǵa 100 oryn» baǵytynda jeke bastamalar arqyly 10 myńnan astam adamdy jumyspen qamtý sharalaryna tartý kózdelýde.
Túrkistan oblysynyń ákimi Darhan Satybaldynyń tóraǵalyǵymen ótken apparattyq keńeste halyqty jumyspen qamtý sharalary boiynsha atqarylǵan jumystardyń nátijesi qaraldy. Túrkistan oblysy jumyspen qamtýdy úilestirý jáne áleýmettik baǵdarlamalar basqarmasynyń málimetinshe, «Eńbek» baǵyty boiynsha jyl basynan beri 86 686 adam jumyspen qamtý sharalaryna qatysyp, jyldyq jospar 123,4 paiyzǵa oryndaldy.
«Jumys oryndaryn ashýda biýdjetke táýeldi emes jańa kásiporyndardy kóbeitý mańyzdy. Osy rette kásipkerlikke, aýyl sharýashylyǵyna jáne jumyspen qamtýǵa jaýapty basqarmalar birlese jumys atqarýy tiis. Ár aýdanǵa óz ereksheligine sai aýyl sharýashylyǵy jáne indýstriia boiynsha indikatorlar belgilenip, júzege asyrylýy qajet», – dedi D.Satybaldy.
Biyldan bastap Ulttyq jobalar sheńberinde iske asyrylatyn barlyq jobalarda jumys oryndaryn ashý kózdelgen. Oblys boiynsha 364 joba aiasynda ashylǵan 5 myńǵa jýyq bos jumys orny elektrondy eńbek birjasynda jariialanyp, jariialanǵan jumys oryndarynyń 70 paiyzyna turǵyndar jumysqa ornalasty.
Oblys ákimi jumyspen qamtý sharalaryn kúsheitip, jumysqa ornalasqan azamattardyń áleýmettik tólemderiniń der kezinde júzege asýyn qatań qadaǵalaýǵa alýdy tapsyrdy.
Apparat keńesinde biýdjet qarajatynyń igerileýi qaraldy. Biýdjettiń kiris bóligi boiynsha jyl basynan beri oblys biýdjetine túsetin ózindik kirister 111,8 mlrd. teńge somasynda kózdelip, oryndalýy 115,2 mlrd. teńgeni qurady nemese 3,4 mlrd. teńgege artyǵymen oryndaldy. Oblys ákimi Darhan Satybaldy qarajatty tolyq ári sapaly igerý boiynsha tiisti sharalar qabyldaýdy tapsyrdy.
