Osydan tórt jyl buryn qaita qurylǵan Keles aýdanynyń áleýmettik - ekonomikalyq damýyna erekshe kóńil bólingen. Bul jumys jańa qarqynmen jalǵasady. Osylai degen Túrkistan oblysynyń ákimi Darhan Satybaldy aýdanǵa arnaiy baryp, kelestiktermen júzdesip, mańyzdy máselelerdi birge talqylady. Turǵyndardyń usynystaryn tyńdap, barlyq saýaldaryna jaýap berdi. Aýdannyń tynys-tirshiligimen tanysyp, halyqpen júzdesken oblys ákimi birde-bir máseleniń nazardan tys qalmaitynyn jetkizdi.
Oblys ákimi óńirdiń áleýmettik-ekonomikalyq damýy men atqarylǵan jumystar jaily, Memleket basshysy Qasym-Jomart Toqaevtyń qyrkúiek aiyndaǵy Qazaqstan halqyna arnaǵan Joldaýyna sáikes oblysta josparlanǵan jáne atqarylatyn jumystar barysyn baiandady. Osyǵan deiin oblys basshysymen kezdesýde turǵyndar kótergen máselelerdiń basym bóligi sheshimin tapqan.
«Atap aitqanda, Keles aýdanynyń ortalyǵy Abai aýylynan turǵyn úi qurylysyn júrgizýge jer ýchaskelerin berý úshin 96 gektar jerge elektrmen jabdyqtaý jelilerimen qamtamasyz etý jumystary júrgizilýde. Qurylys jumystary qazan aiynda aiaqtalady. Kezekte turǵan 500-ge jýyq azamatqa kezeń-kezińmen jer ýchaskesin berý josparlanýda. «Aqylbeksai» sý qoimasynan aýylǵa sý berý máselesi boiynsha qajetti jumystary júrgizilýde. Jóndeý jumystaryn jyl sońyna deiin aiaqtaý josparlanǵan. Memleket basshysynyń tarapynan qoiylǵan mindetter elimizdiń ekonomikalyq ósimin jedeldetip, halyqtyń ómir súrý sapasy men ál-aýqatyn jaqsartýda mańyzdy ról atqaratyny sózsiz. Halyqtyń tabysyn arttyrýǵa baǵyttalǵan jumystar da ary qarai jalǵasyn tabatyn bolady. Memleket basshysy Qasym-Jomart Toqaev atap ótkendei, Qazaqstannyń shynaiy jańarý kezeńine sátti qadam basýy jolynda aldymyzǵa qoiylyp otyrǵan tapsyrmalar men mindetterdi búkil qoǵam bolyp jumyla atqarýymyz mańyzdy», – dedi Túrkistan oblysynyń ákimi Darhan Satybaldy.
Kezdesýde jáne jeke qabyldaýda turǵyndar tarapynan ótkir suraqtar qoiyldy. Atap aitsaq, úi salýǵa jer berý, kitaphana salý, jumyssyzdyq, jastardyń sintetikalyq dárige qumarlyǵy, mal sharýashylyǵyn damytý, Keles ózeniniń ekologiialyq ahýaly, baý-baqsha sharýashylyǵyna sýbsidiia berý, sport keshenin salý jáne ózge de máseleler kóterildi. Óńir basshysy usynystar oryndy ekenin, nazarǵa alynatynyn atap ótti.
«Aýyl sharýashylyǵy salasyn Keles aýdanynyń brendine ainaldyrýǵa bolady. Óitkeni munda egin, mal sharýashylyǵyn damytýǵa barlyq múmkindik bar. Osynda óstik, bala kezde tańǵy 7-den bastap malǵa sý berip, qorany tazalap, baqshamyzda túrli daqyldar egip óstik. Bir jylda 2-3 ónim alynatyn. Osy úrdis jalǵasýy tiis. Aýyl sharýashylyǵyn damytýǵa qatysty jobalardy tolyq qoldaimyn. Ordabasy aýdanynda iri mal sharýashylyǵy keshenin ashýdy josparlap otyrmyz. Keleste de salýǵa bolady. Mal sharýashylyǵymen ainalysatyn 25 sharýa qojalyǵy men kásiporyndardyń tizimi bekitilip, Ózbekstan Respýblikasyna et eksporttaýǵa ruqsat alyndy. Kelestik sharýalardy da osy tizimge qosyp, et eksportyn ulǵaitýǵa múmkindik mol. Sport keshenin, Oqýshylar saraiyn, kitaphana salý máselesin de qarastyramyz. Bul aimaqtyń máselelerin jaqsy bilemin. Jalpy óńir turǵyndarynyń 80 paiyzǵa jýyǵy aýyl-aimaqtarda turady. Sondyqtan endi aýdandarǵa qoldaý kúsheitiledi», – degen Darhan Satybaldy Keles ózenindegi zańsyz karer qazýshylardyń jumysyn toqtatý, sintetikalyq dárige qarsy kúresti kúsheitý jóninde jaýaptylarǵa tapsyrma berdi. Saryaǵash pen Keles aýdanyndaǵy qordalanǵan máseleler boiynsha arnaiy jinalys ótkizip, sheshý joldaryn qarastyratynyn jetkizdi.
Aýdandaǵy eldi mekenderdiń ishki kóshelerin jóndeý jumystary júrgizildi. Jalpy quny 2 358,5 mln. teńgeni quraityn 2 mekteptiń qurylysy júrgizilip, 1 nysan paidalanýǵa beriledi dep kútilýde. Keler jyly taǵy bir jańa mekteptiń qurylysy aiaqtaldy. Injenerlik infraqurylym júiesin damytý maqsatynda biyl 3 eldi mekendi aýyz sýmen qamtý jumystary júrgizilip jatyr. Eldi mekenderdi sapaly elektrmen jabdyqtaý jumystary qolǵa alynǵan.
2022 jyly «Abai» AGTS-niń qurylys jumystary júrgizilip, paidalanýǵa beriledi. «Aýyl – El besigi» jobasy aiasynda biyl 10 eldi mekende 18 joba iske asyrylýda. Mektepterge qajetti qosymsha ǵimarat salynyp, kúrdeli jóndeý jumystary atqarylyp jatyr. Kitaphana jáne mádeniet úiler salynyp, Qyzylásker aýylynda qýaty 220/110/10kv qosalqy stantsiiasyn iske qosý jáne «Jylǵa» TQS-ny 220/110/10kv qosalqy stantsiiasyn qosýǵa 188,5 mln. teńge qaralǵan.
