Foto: ortcom.kz
«Bilim-Innovatsiia» halyqaralyq qoǵamdyq qorynyń prezidenti Darhan Óte ulttyq qundylyqtardy jastardyń boiyn sińirýde sapaly kontet qalyptastyrý mańyzdy dep esepteidi.
Bul týraly ol Senat janyndaǵy «Ulttyq múdde» dialog alańynyń otyrysynda aitty.
Senat Spikeri Máýlen Áshimbaevtyń qatysýymen ótken is-shara «Ádiletti Qazaqstan jáne ulttyq qundylyqtar» taqyrybyna arnalǵan bolatyn.
«Jastadyń boiyna ulttyq mentalitetti sińirý máselesinde zamanaýi, tartymdy, balalardyń jas erekshelikterine sai kontentter jasaý qajet. Ustaz retinde bul qadamnyń memlekettik deńgeide jasalýy asa mańyzdy der edim. Japoniia bul máseleni ýaqytynda túsinip, óziniń Ýolt Disneiin qurdy. Narýto siiaqty birqatar ulttyq keiipkerleri arqyly ózderiniń mádenietterin dáriptedi. Ártúrli komiksterdi, áleýmettik jelidegi dúnielerdi aýditoriianyń jas erekshelikterine sai damytyp, óz jastaryna ǵana emes, búkil álemge mádenietin, dástúrin nasihattap jatyr. Eger biz osy máseleni qolǵa alyp, qazirden bastap jumys jasamasaq, keiingi urpaqqa ulttyq qundylyqtardy túsindirý qiyn bolady», – dedi Darhan Óte.
