Astanadaǵy Ulttyq mýzeige kelgen qytailyq týristerge til jaǵynan qiyndyq bolmaidy. Óitkeni, aldaǵy ýaqytta qytai tili engiziledi. Bul týraly búgin Ortalyq kommýnikatsiialar qyzmetinde atalǵan mýzeidiń direktory Darhan Myńbai aitty, dep habarlaidy BNews.kz tilshisi.
«Ulttyq mýzeide ekskýrsiia júrgizetin mamandar birneshe til biledi. Endi, qytai tilin engizbekshimiz. Óitkeni, Qytaidan kelip, qazaqtyń mádenietimen, tarihymen tanysqysy keletin týrister óte kóp. Bul protsess kelesi jyldan bastalady. Sol úshin qazirden bastap daiyndyq júrgizip jatyrmyz. Bizge keletin týrister jedel, yńǵaily formatta aqparat alýy kerek. Túrik tiletin biletin mamandarymyz da bar. Sondai-aq, basqa tilderdi de qamtýymyz múmkin», – deidi Darhan Myńbai.
Onyń aitýynsha, mýzei ashylǵaly 27 myń sheteldik týrist kelgen. Al aqyly túrde kirgenderdiń sany 40 myńnan asady eken.
«Biz qazirgi tańda sheteldik áriptesterimizben bailanys ornatyp jatyrmyz. Elbasynyń «ulttyq mýzeidi álemdik mýzeige ainaldyrý kerek» degen tapsyrmasy bar. Osy maqsatty júzege asyrý úshin álemniń jetekshi elderiniń mýzeilerimen kelisimshartqa otyrdyq. Ol elderdiń qatarynda Koreia, Qytai, Resei, Frantsiia, Italiia, tipti, Vetnam elderiniń mýzeileri bar. Jalpy, bul jalǵasatyn dástúr. Óitkeni, bizdiń josparlarymyz óte kóp. Mýzei ashylǵaly 400277 adam aqyly túrde tólep kirgen. Jeńildikpen, aqysyz kiretinderdi eseptep otyrǵan joqpyz. Uly Otan, Aýǵan soǵysynyń ardagerleri sekildi tegin kiretin azamattarymyz bar. Bizdiń mýzeidi nasihattaityndar sol kisiler bolady. Munyń ózi úlken mádeniet. Alǵa qoiǵan mindetterimiz bar. Búgingi kúnge deiin 27 myń sheteldik kelipti. Bul – biz úshin úlken maqtanysh. Buryn bizdiń keibir mýzeilerge jylyna osynsha ǵana adam kelip jatatyn. Al qazir jańa kezeń bastaldy. Astanaǵa qyzyǵýshylyq joǵary. Sheteldikter kelgen kezde olarǵa laiyqty qyzmet kórsetýimiz kerek. «100 naqty qadamǵa» sáikes aýdiogidterimiz bar. Úsh tilde baiandap beredi. Onlain bilet alý joly da qarastyrylǵan», – deidi Ulttyq mýzei direktory.
Aita keteiik, Ulttyq mýzei Ortalyq Aziiadaǵy eń jas ári eń iri mýzei. Mýzei «Mádeni mura» Memlekettik baǵdarlamasyn iske asyrý aiasynda Qazaqstan Respýblikasy Prezidenti N.Nazarbaevtyń tapsyrmasymen qurylǵan.
