استاناداعى ۇلتتىق مۋزەيگە كەلگەن قىتايلىق تۋريستەرگە تٸل جاعىنان قيىندىق بولمايدى. ٶيتكەنٸ, الداعى ۋاقىتتا قىتاي تٸلٸ ەنگٸزٸلەدٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندە اتالعان مۋزەيدٸڭ ديرەكتورى دارحان مىڭباي ايتتى, دەپ حابارلايدى BNews.kz تٸلشٸسٸ.
«ۇلتتىق مۋزەيدە ەكسكۋرسييا جٷرگٸزەتٸن ماماندار بٸرنەشە تٸل بٸلەدٸ. ەندٸ, قىتاي تٸلٸن ەنگٸزبەكشٸمٸز. ٶيتكەنٸ, قىتايدان كەلٸپ, قازاقتىڭ مەدەنيەتٸمەن, تاريحىمەن تانىسقىسى كەلەتٸن تۋريستەر ٶتە كٶپ. بۇل پروتسەسس كەلەسٸ جىلدان باستالادى. سول ٷشٸن قازٸردەن باستاپ دايىندىق جٷرگٸزٸپ جاتىرمىز. بٸزگە كەلەتٸن تۋريستەر جەدەل, ىڭعايلى فورماتتا اقپارات الۋى كەرەك. تٷرٸك تٸلەتٸن بٸلەتٸن ماماندارىمىز دا بار. سونداي-اق, باسقا تٸلدەردٸ دە قامتۋىمىز مٷمكٸن», – دەيدٸ دارحان مىڭباي.
ونىڭ ايتۋىنشا, مۋزەي اشىلعالى 27 مىڭ شەتەلدٸك تۋريست كەلگەن. ال اقىلى تٷردە كٸرگەندەردٸڭ سانى 40 مىڭنان اسادى ەكەن.
«بٸز قازٸرگٸ تاڭدا شەتەلدٸك ەرٸپتەستەرٸمٸزبەن بايلانىس ورناتىپ جاتىرمىز. ەلباسىنىڭ «ۇلتتىق مۋزەيدٸ ەلەمدٸك مۋزەيگە اينالدىرۋ كەرەك» دەگەن تاپسىرماسى بار. وسى ماقساتتى جٷزەگە اسىرۋ ٷشٸن ەلەمنٸڭ جەتەكشٸ ەلدەرٸنٸڭ مۋزەيلەرٸمەن كەلٸسٸمشارتقا وتىردىق. ول ەلدەردٸڭ قاتارىندا كورەيا, قىتاي, رەسەي, فرانتسييا, يتالييا, تٸپتٸ, ۆەتنام ەلدەرٸنٸڭ مۋزەيلەرٸ بار. جالپى, بۇل جالعاساتىن دەستٷر. ٶيتكەنٸ, بٸزدٸڭ جوسپارلارىمىز ٶتە كٶپ. مۋزەي اشىلعالى 400277 ادام اقىلى تٷردە تٶلەپ كٸرگەن. جەڭٸلدٸكپەن, اقىسىز كٸرەتٸندەردٸ ەسەپتەپ وتىرعان جوقپىز. ۇلى وتان, اۋعان سوعىسىنىڭ ارداگەرلەرٸ سەكٸلدٸ تەگٸن كٸرەتٸن ازاماتتارىمىز بار. بٸزدٸڭ مۋزەيدٸ ناسيحاتتايتىندار سول كٸسٸلەر بولادى. مۇنىڭ ٶزٸ ٷلكەن مەدەنيەت. العا قويعان مٸندەتتەرٸمٸز بار. بٷگٸنگٸ كٷنگە دەيٸن 27 مىڭ شەتەلدٸك كەلٸپتٸ. بۇل – بٸز ٷشٸن ٷلكەن ماقتانىش. بۇرىن بٸزدٸڭ كەيبٸر مۋزەيلەرگە جىلىنا وسىنشا عانا ادام كەلٸپ جاتاتىن. ال قازٸر جاڭا كەزەڭ باستالدى. استاناعا قىزىعۋشىلىق جوعارى. شەتەلدٸكتەر كەلگەن كەزدە ولارعا لايىقتى قىزمەت كٶرسەتۋٸمٸز كەرەك. «100 ناقتى قادامعا» سەيكەس اۋديوگيدتەرٸمٸز بار. ٷش تٸلدە بايانداپ بەرەدٸ. ونلاين بيلەت الۋ جولى دا قاراستىرىلعان», – دەيدٸ ۇلتتىق مۋزەي ديرەكتورى.
ايتا كەتەيٸك, ۇلتتىق مۋزەي ورتالىق ازيياداعى ەڭ جاس ەرٸ ەڭ ٸرٸ مۋزەي. مۋزەي «مەدەني مۇرا» مەملەكەتتٸك باعدارلاماسىن ٸسكە اسىرۋ اياسىندا قازاقستان رەسپۋبليكاسى پرەزيدەنتٸ ن.نازارباەۆتىڭ تاپسىرماسىمەن قۇرىلعان.
