16 qarasha kúni Almaty qalasyndaǵy Dostyq úiinde Qazaqstan Respýblikasy Prezidentiniń Jarlyǵymen bekitilgen memlekettik tildiń álipbiin latyn grafikasyna aýystyrý máselesine, Qazaqstan halqy Assambleiasy Keńesiniń keńeitilgen otyrysynda belgilengen mindetterdi iske asyrýǵa jáne «Qazaqstan halqy Assambleiasy týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek ústel bolyp ótti.
Is-sharaǵa QHA Tóraǵasynyń orynbasary – QR Prezidenti Ákimshiligi hatshylyǵynyń meńgerýshisi D.Myńbai, QHA Tóraǵasynyń orynbasary A.Hamedov, QR Parlamenti Májilisiniń depýtattary, QHA Ǵylymi-saraptamalyq keńesiniń, Assambleianyń basqa qurylymdarynyń músheleri, oblys ákimderi apparattary janyndaǵy óńirlik «Qoǵamdyq kelisim» KMM direktorlary jáne respýblikalyq etnomádeni birlestikterdiń ókilderi, shyǵarmashyl jáne ǵylymi ziialy qaýym ókilderi qatysty.
Otyrysty ashqan D.Myńbai óz sózinde biylǵy jyly Memleket basshysy qoǵam ómiriniń barlyq jaqtaryn qamtityn aýqymdy jańǵyrtýlarǵa bastamashylyq jasaǵanyn atap kórsetti. Assambleia «Rýhani jańǵyrý» baǵdarlamasynyń «Qazaqstannyń 100 jańa esimi», «Týǵan jer», «Qazaqstan qasietti jerleriniń geografiiasy» siiaqty barlyq negizgi jobalaryn qoldaidy jáne olardy iske asyrýǵa belsene qatysady. Memlekettik tildiń latyn grafikasyndaǵy álipbii engizilýin túsindirý boiynsha jumystar júrgizilýde. Bul – tildi jańǵyrtýdyń negizi bolatyn, onyń áleýetin kúsheite túsetin mańyzdy qadam.
QHA Tóraǵasynyń orynbasary – QR Prezidenti Ákimshiligi hatshylyǵynyń meńgerýshisi mundai jaǵdaida QHA-nyń qoǵamdyq kelisim men jalpyulttyq birlikti nyǵaitýda, «Rýhani jańǵyrý» baǵdarlamasyn iske asyrýda jańa zańnamalyq ustanym qajet ekendigin atap kórsetti. Sonyń ishinde:
Birinshiden, zańnamany elimizde qalyptasqan obektivti qoǵamdyq qatynastarǵa sáikestendirý kerek.
Ekinshiden, zańnyń uǵymdyq apparatyn retke keltirip, ony QR Konstitýtsiiasynyń normalarymen birdeilendirý qajet.
Úshinshiden, Memleket basshysynyń Assambleianyń XV-XXV sessiialarynda bergen tapsyrmalaryna sáikes QHA jumysynyń negizgi baǵyttaryn naqtylaý talap etiledi.
Tórtinshiden, QHA infraqurylymynyń, onyń jańa institýttarynyń jumysyn zańdyq reglamenttaý qajet.
Besinshiden, etnomádeni birlestikter qyzmetin, olardyń mártebesin reglamentteý, dástúrlerdi, tilderdi, mádenietti saqtaý men damytýda qoldaýdy kúsheitý.
Altynshydan, QHA mindetteri men fýnktsiialarynyń keńeitilýine, keibir normalardyń naqtylanýyna bailanysty ózge de birqatar túzetýler kózdeledi.
Sóziniń sońynda D.Myńbai zań jobasy halyq birligin nyǵaitýǵa, qoǵamdyq kelisimniń konstitýtsiialyq qaǵidatyn iske asyrýǵa baǵyttalǵan quqyqtyq, áleýmettik-ekonomikalyq, saiasi, memlekettik-basqarýshylyq sharalardyń tutastai júiesin jasaýdyń negizi bolatynyn atap kórsetti.
Sondai-aq, «dóńgelek ústel» barysynda QHA Tóraǵasynyń orynbasary A.Hamedov, QHA Keńesiniń múshesi, QR Parlamenti Májilisiniń depýtaty B.Ábdiraiym, QHA Ǵylymi-saraptamalyq keńesiniń múshesi M.Shaikemelev, «Almaty oblystyq ázerbaijan etnomádeni birlestigi» QB tóraiymy A.Osman, Almaty qalasyndaǵy «Ahyska» túrik etnomádeni ortalyǵy tóraǵasynyń orynbasary K.Kasimov, Almaty qalasy QHA janyndaǵy Analar keńesiniń tóraiymy N.Niiazova jáne basqalar usynystar aityp, sóz sóiledi.
Dóńgelek ústel barysynda aitylǵan usynystar jinaqtalyp, QR Mádeniet jáne sport ministrligi janyndaǵy zań jobasyn ázirleý jónindegi jumys tobyna jiberiletin bolady.
Dóńgelek ústel qorytyndysy boiynsha respýblikalyq etnomdeni birlestikter men «Qoǵamdyq kelisim» KMM ókilderi úshin «ÚEU qarjylyq ornyqtylyǵynyń negizgi memlekettik quraldary/ÚEU qyzmetiniń praktikalyq aspektileri» taqyrybynda seminar-praktikým ótkizildi.
.jpeg)