Búgin Túrkistan oblysyna QR Aqparat jáne qoǵamdyq damý ministri Darhan Qydyráli issaparmen keldi. Sapar aiasynda ministr «Alataý media» ortalyǵynda oblystaǵy BAQ ókilderimen kezdesti. Bul týraly Túrkistan oblysynyń Óńirlik kommýnikatsiialar qyzmeti habarlady.
Keleli basqosýǵa aýdan, qalalardaǵy telearnalar men gazetterdiń Bas redaktorlary, aqparattyq portaldardyń jetekshileri qatysty. Jiyndy «Turkistan Media Holding» JShS Bas direktory Janahmet Aǵybaev ashyp, júrgizip otyrdy.
Kezdesý barysynda jańa jáne dástúrli medianyń negizgi problemasy, kommýnikatsiia salasyndaǵy mańyzdy máseleler talqylandy.
Jiynda sóz alǵan QR Aqparat jáne qoǵamdyq damý ministri Darhan Qydyráli azamattyq qoǵam institýttaryn damytý boiynsha memlekettik qoldaýlar jáne BAQ týraly zańdy jetildirý baǵytyndaǵy keshendi jumystardy baiandady.
«Jańartylatyn buqaralyq aqparat quraldary týraly zań jobasynda birqatar jańalyq bolady dep kózdelip otyr. Aqparatqa qol jetkizý, jýrnalisterdiń mártebesin, kásibi quzyretin arttyrý jáne taǵy basqa birneshe ózgeris engizýdi josparlap otyrmyz», - dedi Darhan Qýandyquly.
Basqosýda «Ońtústik Qazaqstan» gazetiniń bas redaktory Abai Balajan, «Túrkistan» gazetiniń bas redaktory Málik Álmahanuly, «Arys aqiqaty» gazetiniń bas redaktory Ábdimálik Aǵybai, «Janýbi Qozoǵiston» gazetiniń Bas redaktory Álisher Satybaldiev BAQ salasyndaǵy búgingi qordalanǵan ózekti máselelerdi tilderine tiek etti. Qoiylǵan saýaldarǵa ministr Darhan Qydyráli jan-jaqty jaýap berip, usynystardyń mańyzdylyǵyn joǵary baǵalady.
